Allen, die disen brief sehent oder ho^erent lesen, kúnd ich her Chůnrat Seli¹ besteter lútpriester || ze Watwile², das ich minen wingarten, der gelegen ist ze Elnsowe³, des me danne ein iuchert || ist vnd erb ist von dem gotzhuse ze To^esse⁴ vmb ein ierlichen zins vmb ein vierteil kernen Winter||turer⁵ messes vnd git o^vch ierlichan das liecht der kilchen ze Elnsowe ein vierteil veson vnd ein vierdúng wachses, geben hab Johans vnd Chůnrat mines brůder seligen Johans von Seli súnen in allem dem recht, als ich den selben wingarten hab her bracht, vnd mit aller ehafti worten vnd werchen, so dar zů ho^eret. Vnd ze einem offen vrkúnde alles des, so vorgeschriben stat, gib ich inen vnd ir erbon disen brief besigelt mit minem ingesigel offenlich. Dis geschach vnd wart och dirre brief geben ze Wile⁶, do man von gottes gebúrte zalte drúzehenhundert iar, dar nach in dem vierden vnd vierzigosten iare, ze sant Hylarien tult.

Source Fulltext: Chartularium Sangallense VI, Nr. 3872, S. 429-430.