Allen, die disen brief sehent oder ho^erent lesen, kv´nde ich Růd. Brun¹ burgermeister || vnd wir . . der rat vnd die burgere der stat ze Zúrich vnd veriehen offenlich || vmb die vier vnd zwentzig stuk geltes, so Růd. Negellis wirtin vf dem hove || ze Wangen² hat, das wir da gemeinlich haben globt, die selben vier vnd zwentzig stuk geltes ab dem selben hove ze ledigenne vnd ze lo^esenne mit drissig marken gůtes silbers Zúricher gewicht hinnen ze der nehsten sant Johs. tult ze súngichten³, so nv kvmt, durh das vnserm herren graven Friderich von Toggemburg⁴ sin cinse von disem jare vnd o^vch hinnenhin entslosset vnd erlediget werden. Têten aber wir des nicht, swas danne vnser herre von Toggemburg oder sin erben da von schaden nement, den haben wir im globt ab ze legenne gantzlich ane alle geverde. Vnd des ze einem waren vrkúnde so haben wir vnser stat insigel offenlich gehenket an disen brief. Der geben wart ze Zúrich an sant kv´nig Karlen abent, do von gottes gebúrt waren drúcehen hundert vnd viertzig jar vnd dar nach in dem vierden jare.

Source Fulltext: Chartularium Sangallense VI, Nr. 3874, S. 431.