Allen, die disen brief sehent oder ho^erent lesen, kv´nde ich Růd. Negelli¹ vnd vergihe offenlich, das ich von den fromen || wisen lúten . . dem bvrgermeister . . dem râte vnd . . den bvrgern gemeinlich der stat Zúrich gar vnd || gantzlich gewert bin drissig mark gůtes silbers Zúricher gewicht, die si mir gelobt hatten von mines herren || wegen grafen Johs. von Habspurg² von der pfandvnge wegen des edeln herren grafen Friderichs von Toggembvrg³. Vnd ze einem waren vrkv´nde des, so vor geschriben stat, so han ich min eigen insigel offenlich gehenket an disen brief. Der geben wart, do man von gotz gebv´rt zalte drucehen hvndert vnd viertzig jar vnd dar nach in dem vierden jare an sant Johs. abent ze sv´ngichten.

Source Fulltext: Chartularium Sangallense VI, Nr. 3895, S. 441.