Wir Eberhart von gottes gnaden abbte des gotzhuß Rychenowe¹ kúnden allen den, die disen brieff etc., dz fúr vnns kam ze Owe vff vnnser hus die edel frowe frow Adelhait herr Lutolden sa^elgen tochter von Griessenberg², des edlen herren gra^vff Cůnraten von Fúrstenberg³ eliche hußfrowe, mit ir fúrsprechen V^olrich in der Búnd burger ze Costenntz, der ir mit vrtail ze fúrsprechen ward gen, vnd ouch mit dem selben gra^vff Cůnraten ir elichen wirt, vnd batt ir da zeeruarend an ainer vrtail, wil^a) sy die nachgeschriben lehen, die sy von vnnserm gotzhus hett, in des selben grauff Cůnrates ir wirtes vnd in Nesen vnnd Clementen ir elichen tochtern, die sy het^b) by gra^vff Diethelmen sa^eligen von Toggenburg^c)4 ir eren wirtin^d), hant in gemaindes wiß braite, vnd namde alle die mann lehen, die wilent ledig wurden by appt Eberhartes⁵ zyten von dem Louffen⁶ sa^eligen, sy sient genent ald vngenempt, die vor dem Wald⁷ oder andarswa gelegen sind, den hoff ze Lútmerikon⁸, da der kilchensatz ho^ert, mit dem gelt vnd recht, so darzů ho^ert, den hoff ze Vilmasperg⁹, den hoff ze Bathhusen¹⁰, dem winggerten ze Blasenberg^e)11 vnd was darzů ho^ert, die burg ze Ha^erdern¹², den hoff ze Pfunggen^e)13, da der kilchensatz inho^ert, mit allem recht, die burg ze Phungingen¹³, den turn ze La^emaiß¹⁴ mit der vogtye ze Lo^emaiß vnd was herr Hainrich sa^elig von Griessenberg¹⁵ an dem hoff ze Rúti¹⁶ by Wellenberg¹⁷ ze lehen haut, die burg ze Haimenstain¹⁸ mit allem, so darzů ho^ert, vnd darzů me manlehen, die an disem brieff nit geschriben sind, do ward ir ertailt mit rechter gesamneter vrtail^f), denn ir vorgenanter wirt mit des selben wirtes willen gra^vff Cůnraten, do nam sy do mit vrtail ze vogt v´ber die selben sache vnser lieber o^ehan graff Eberhart von Nellenburg¹⁹ den alten mit ir vorgenanten wirtes willen graff Cůnraten, darna^vch ward do ertailt, das sy der selb ir vogt graff Eberhart von Nellenburg ze drin malen vß dem gericht fu^eren so^elt vnd an ir ze yedem ma^vl erfu^er, ob sis williclich ta^ett vnd vnbezwungenlich, das tett er vnd fu^ert sy ze yedem mal ze den drin malen wider in vnd sait vff sinen aid, das sis williclich vnd vnbezwungenlich ta^ett, do ward ir aber ertailt mit rechter gesamnotter vrtail, das sy die vorgeschriben lehen, si siend genempt ald vngenempt, vff gen solt an vnnser hand mit ir vogtes hand, das tett sy, als ir ertailt ward, darnach batt sy vns, das wir ir wider vnd ouch dem vorgenanten graff Cůnraten von Fúrstenberg ir elichen wirt vnd Nesen vnd Clementen ir tochtran mit ir die vorgenanten lehen gna^edigklich^g) ze rechten lehen lihen inen allen vieren gemainlich vnd vnuerschaidenlich ze ainer rechter vnd redlicher gemainde, der bett gewerten wir sy, wan sy vns zitlich dunkt, vnd lihen ir wider vnnd ouch dem vorgenanten gra^vff Cunraten von Fúrstenberg, Nesen vnd Clementen iren tochtern die selben lehen, sy sien genempt ald vnbenempt, ze rechtem lehen inen allen vieren gemainlich vnd vnuerschaidenlich ze ainer rechter vnd redlicher gemainde, vnd haben ouch das getan vnd ist ouch diß alles beschechen mit aller der gehúgde worten vnd wercken, so darzů horten ald ho^eren solten nach gewonhait vnd ouch nach recht. Vnd des ze warem vrkunde hencken wir vnnser insigel an disen brieff. Wir ouch graff Eberhart von Nellenburg der alt, vogt der vorbenempten frow Adelhaiten, veriechen offenlich mit disem brieff, das sy die vorgenanten lehen, sy sien genempt ald vngenempt, mit vnnserm gůtten willen vnd ouch gunst vff gab an vnsers vorgenanten herren . . .^h) hant aptes vnd ir si denn wider bat lihen vnd ir vorgenant wirt graff Cůnrat vnd Nesen vnd Clementen iren tochtran mit ir ze rechtem lehen inen allen vieren gemainlich vnd vnuerschaidenlich ze ainer rechten vnd redlichen gmainde, das ouch der selb vnser herr appt Eberhart gethan het, vnd das ouch alles das, so hie vor an disem brieff geschriben sta^vt, mit vnserm gůten willen vnd gunst vnd mit rechter gesamnoter vrtail beschechen vnd volfu^ert ist in aller der wiß, als hie vor an disem brieff geschriben sta^vtt, vnd hencken darumb ze warem vrkunt vnser insigel zů vnnsers appt Eberhart insigel an disen brieff. Diß alles ist beschechen vnd ward diser brieff geben ze O^vwe, do man zalt von gottes gebúrte drúzehenhundert jar, darnach in dem fúnften vnd imⁱ⁾ viertzigisten jar, an dem na^echsten fritag nach sant Aufren tag.

Source Fulltext: Chartularium Sangallense VI, Nr. 3946, S. 487-489.