Allen, die disen brief ansehent, lesent oder ho^erent lesen, tůn ich Burkart von Ramswâg¹ ritter || kunt vnd vergih offenlich an disem brieue, das ich mit gůter vorbetrahtunge vnd beschaidenhait || dem êrwirdigen minem gna^edigen herren von gottes gnaden abt Herman des gotzhus ze sante Gallen² || von der manunge wegen, als er mich von des vorgenanten gotzhus wegen nu gemant hât, willeklich gelobt han mit gůten trúwen, das ich im die vesti Blattun³, dú mîn burgsa^esse ist von dem gotzhus ze sante Gallen, vˆf sol tůn, vnd das ich in vnd alle, die er von sinen wegen dar schikket, vˆs vnd în lassen sol, wenne vnd wie dik er wil, wan ich mich erkennet han, das ich es billich vnd dur reht tůn sol. Vnd ze ainem wâren vrkúnde vnd ze ainer sta^etun sicherhait der vorgeschriben dinge henk ich min insigel an disen brief. Der geben ward ze sante Gallen in der stat, do man zalte von gottes geburt drúzehenhundert jâr, viertzeg jâr, darnah in dem fúnften jâre, an dem na^ehsten ma^entag nah sant Barnabas tage.

Source Fulltext: Chartularium Sangallense VI, Nr. 3927, S. 474-475.