Wir Herman von gottes vnd des stůls gnaden ze Rôme besta^eter abt des gotzhus ze sante Gallen² || tůn kunt vnd veriehen offenlich an disem brieue allen, die in ansehent, lesent oder ho^erent lesen, das wir || v´nser klosterherren in v´nserm conuent alle gemainlichen ernstlichen gefrâget haben vnd alle v´nser ampt||lúte vnd v´nser burger ze sante Gallen die êrbersten vnd die eltsten vnd ander êrber alt lúte, die v´nser gotzhus angeho^erent, vnd das v´ns die alle ernstlich vnd bi gůten trúwen gesait hant, das v´nsers gotzhus lúte kain nahga^enten vogt noch nahsůchenten vogt nie gewnnen noch gehebt haben noch haben súlen. Vnd ze ainem wâren vrkúnde vnd ze ainer sta^etun sicherhait der vorgeschriben dinge henken wir v´nser insigel an disen brief. Der geben ward ze sante Gallen in der stat, do man zalt von gottes geburt drúzehenhundert jâr, viertzeg jâr, darnah in dem fúnften jâre, an dem na^ehsten samstag vor sant Johans tag des Tôffers.

Source Fulltext: Chartularium Sangallense VI, Nr. 3930, S. 476.