Wir Herman von gottes vnd des stůls gnaden ze Rôme besta^eter abt¹ des gotzhus ze sante || Gallen tůn kunt vnd veriehen offenlich an disem brieue fúr v´ns vnd fúr alle v´nser nahkomen || allen, die in ansehent, lesent oder ho^erent lesen, das wir ansehen vnd angesehen haben die dankba^eren ge||trúwen dienste, die v´nser lieben lantlúte von Appacelle², von Huntwile³, von Túffen⁴, von Vrna^eschun⁵, von Wittebach⁶, von Na^enggerswîle⁷ vnd von dem Rodmonten⁸, die v´ns vnd v´nserm gotzhuse versetzet sint von dem rîche, v´ns vnd v´nserm gotzhuse dik willeklichen getan hant vnd noch getůn mugen. Darvmb haben wir dur nutz vnd besserunge der selben lender mit gůter vorbetrahtunge vnd beschaidenhait in die gnade vnd die gu^etlichi willeklich vnd frîlich getân vnd tu^egen mit disen^a) brieue fúr v´ns vnd fúr alle v´nser nahkomen, das wir vnd alle v´nser nahkomen sú wellen vnd súlen lassen belîben von des ryches wegen vnd von der vogtay wegen mit stúran vnd mit andren diensten in allen den rehten vnd gewonhaiten, als sú das ryˆch, an v´ns brâht hât⁹. Wir súlin ouch ja^erlichen ain stúr von in nemen vnd nút me. Wa^er ouch, das der selben lantlút dehaine verschulti, darvmb man von des ryches wegen rihten solti, darvmb súlin wir nieman twingen ze klagenne, sú wellen denne selb gern klagen. Vnd ze ainem wâren vrkúnde vnd ze ainer sta^etun sicherhait aller der vorgeschriben dinge henken wir v´nser insigel an disen brief. Der geben ward ze sante Gallen in der stat, do man zalte von gottes geburt drúzehenhundert jâr, viertzeg jâr, darnah in dem fúnften jâre, an sant Johans abent des Tôffers.

Source Fulltext: Chartularium Sangallense VI, Nr. 3932, S. 478.