Allen den, die disen brief an sehent oder ho^erent lesen, kv´nd ich V^olrich von Gosso^vwe¹, das ich gib || vnd geben han dur v´nser baider sel wegen miner vnd o^vch miner elichen wirtenen Elsabeten || zwein Schilling pfenning geltes von dem acker, den ich ko^vft von der von Brvnberg², der min || reht aigen ist vnd gelegen ist vf Wiler veld³ vnd stosset an die wisen, die der Horwer⁴ ist, die wise man nemmet des Hofs wise⁵. Dis ist beschehen mit so^elichen dingen, das ich vnd alle min nachkomen ja^erklich die vorbenempten zwein schilling pfenning rihten sont ze den zwain jarn, so der egenempt acker in nútzen lit. Der egenempten zwein schilling pfenning sol werden ainem lúpriester ze Wil⁶ in der stat ain schilling pfenning, das er kv´nd v´nser jarzit vnd o^vch v´nser gedenke, sinem gesellen vier pfenning vnd an die fru^eien messe aht pfenning, wenne si gestiftet wirt, aber alle die wil, so si nit en ist, so sol sú in nemen der vorbenempt lúpriester vnd sol sú geben armen lúten durch v´nser baider sele willen. Dis dicke genempten zwein schilling pfenning sol man allú jar wa^eren vnd rihten ze sant Gallen dult, als vorgeschriben ist. Dis ist beschehen mit so^elichen gedingen worten vnd werken, als hie zů notúrftig ist. Das dis alles war si vnd sta^et belibe von mir vnd von allen minen nahkomen, dar vmb so gib ich disen brief besigelten mit minem insigel. Der geschriben wart in der stat ze Wil, do man zalt von gottes gebúrt drúzehenhundert jar, dar nach in dem fúnf vnd fierzgesten jare, an dem fritag in der pfingstwuchen.

Source Fulltext: Chartularium Sangallense VI, Nr. 3923, S. 471-472.