Wir Chůnr. von gottes genaden abt des gotzhus ze den Einsidellen¹ sant Benedicten ordens in Costentzer bystům kúnden allen, die || disen brief sehent oder ho^erent lesen, das fúr v´ns kam^a) die edel herren graf Johans von Habspurg, graf Růd. vnd graf Go^etfrit || von Habspurg gebrůdere² vnd offenberten do vor v´ns, das si die vogtey ze Erlibach³, die si von v´ns ze lechen hatten, rêcht vnd redlich mit allem || recht, so dar zů geho^ert, ze ko^vffen geben hetten dem edeln herren grafen Fridrich von Toggenburg⁴ vmb zwei hundert mark gůtes vnd lo^etiges silbers Zúrich gewicht, der si alleklich von im gewert werin⁵, vnd baten v´ns die selben vogtey vnd das lechen von inen vf nêmen vnd es liehen dem vorgenanten graf Fridrich. Wir erhorten ir bette vnd namen die selben vogtey ze Erlibach vf von dien obgenanten grafen von Habspurg vnd haben die verliehen mit túbe mit frefni mit aller rêchtûng friheit vnd ehafti, so darzů geho^ert, dem vorgenanten graffen^b) Fridrich von Toggenburg ze rêchtem lechen von v´ns vnd v´nserm gotzhus vnd geben im lechens rêcht mit disem brief, wan o^vch wir das selb liehen getan haben mit aller sicherkeit sitten gewonheiten worten vnd werken, so man darzů bedarf, als herren irú lechen billich vnd durch rêcht liehen sun vnd mûgen. Wir haben o^vch dem selben graf Fridrich die vorgenante vogtey ze Erlibach mit allem rêcht, so darzů geho^ert, erlo^vbt ze haben vnd ze niessen mit túbe mit frefni mit aller rechtung friheit vnd ehafti, so darzů geho^ert, alls herren irú lechen billich vnd durch recht niessen sun vnd mvˆgen, vnd in aller wis, als die obgenanten von Habspurg vnd ir vordern die selben vogtey ze Erlichach^a) vntz her gehept vnd genossen hant, ane alle geverd. Vnd her v´ber ze einem offenn vrkúnne, das dis lichen war vnd stet belibe, so geben wir dem vorgenanten grafen Fridrich von Togenburg disen brief mit vnserm insigel offenlich besigelt. Der geben wart, do man zalt von gottes gebúrt drúzehen hundert vnd vierzig jar, darnach in dem fúnften jare, an sant Katherinen abende.

Source Fulltext: Chartularium Sangallense VI, Nr. 3958, S. 496.