Allen den, die disen brief an sehent lesent alt horrent lesen, kúnden vnd veriehen wir Gerwig Blarrer, Johans Wildrich vnd Hainr. || der Ko^echler pfheger^a) der siechen an dem veld vnd die siechen an dem veld alle gemailich ze sant Gallen¹, das wir dem erba^eren || man hern Johs. Vo^elin priester durch der truwe vnd dienst willen, so er dem hús vnd den siechen an dem veld getan het, || geben haben in libding reht den núzze des wingarten ze Luchingen², der gelegen ist ob Bartholomeus des Blarrer wingarten, vnd stossent v´nnan an der Brunnerun von Kriesserun³ wingart, also das er, die wil er lebet, aller ja^erlich in nemen sol gar vnd gantzlich die núzze des vorgenepmten^a) wingarten, was da werden mag v´ber den búwe, vnd sol er aller ja^erlich, die wil er lebt, von dien núzzen des selben wingarten geben den siechen an dem veld ain viertel wins, vnd son die vor genapmten^a) pfleger vnd die siechen an dem veld dem vor gescriben hern Joh. Vo^elin ainz kaiz wegz fúrbas sumen an dem vor genapmten^a) wingarten vnd núzzen, die dir von ja^erlichen vallen múgen, die wil er lebt, wir veriehen och, das wir ald wer denne der siechen pfleger ist nah dem tod des vorgenapmten^a) hern Joh. Vo^elis ze sinem iarzit vnd ze den jarziten siner mu^eter Katherinun Vo^eliniun, siner mu^emen ainer Elsbetun Vo^elinun vnd er^a) Angnesun Vo^elinun, ains Húg Vo^elis sines enis vnd siner anun ainer Judentun Vo^elinun, ze disen sexz jarziten ze ieglichem iarzit sol man gen ain viertel wins den vorgescribenen siechen, vnd dem priester, der bi den selben siechen sessehaft ist, dem sol man sunderbair ia^erlich gen ain viertel wins ze den ziwain jarziten hern Joh. Vo^elis vnd siner mu^eter Katherinun Vo^elinun ze ietwetderm ain halb viertel wins, vnd sol der priester vnd die siechen vmb dú siben viertel wins dú vor gescriben jarzitlich tag an scriben vnd began iemer me mit der me|sse vnd mit iro gebet vnd dar nah, als sú sin schuldig vnd gebúnden sint, wer aber das, das ain priester nút sessehaft wer bi den siechen, so sol man des viertel wins ze den ziwain iarziten tailen vnder die siechen. Wir veriehen och, ob wir alt v´ser nahkomen dis ordenúng ze disen sexz jarziten nút rihten, als da vor gescriben ist, das dannen hin der dik genapmt^a) wingart ledig sol sin dem spitail ze sant Gallen⁴ vnd im v´n an sprechig sol biliben iemer me an gaistlichem vnd an weltlichem geriht, also das der spitail die vorgescriben ordenúng vnd jarzit iemer me gen son ir priester vnd ira kinden, als sú sin got schuldig vnd gebunden sint. Vnd ze ainem waren urkúnde vnd steter sicherhait aller der vorgescriben ding so geben wir die vorgenepmten^a) pfleger Gerwig Blairrer, Joh. Wildrich, Hainr. Ko^echler dem vorgescriben hern Joh. Vo^elin disen brief bisigilten mit dem insigel des huses der selben siechen vnd mit v´nseren insigeln. Dirre^b) brief wart gen in der stat sant Gallen, do man zalt von gotz geburt thusent iar vnd drúhúndurt iar vnd in siben vnd viergestúm iar, an dem zistag nah miter vastún.

Source Fulltext: Chartularium Sangallense VI, Nr. 4017, S. 540-541.