Wir Herman von gottes vnd des stůls gnaden ze Ro^vme besta^eter abt des gotzhus ze sant Gallen¹ tu^en kunt vnd veriehen offenlich an disem brief allen, die in an||sehent, lesent oder ho^erent lesen, das fúr v´ns kam fro^v Margaret wilunt Růdolf des Zúrffen sa^elgen elichú wirtinne burgerin ze Arbon² vnd veriach offenlich vor v´ns || vor geriht, das si den ho^vf ze Stainibrunne^e, der si an gestorben vnd an geuallen wa^er von ir vatter sa^elgen Burkart dem Keller vnd ir můter vnd der von v´ns vnd || v´nserm gotzhus lehen ist, ze koffen hetti geben vnd redlich vnd reht verkoft hetti dem wolbeschaiden man Johansen Wildrich burger ze sant Gallen vnd sinen erben vmb núnzig pfunt vnd aht pfunt pfenning alles gůter vnd gna^emter Costentzer múns, der si gar vnd gantzlich von im gewert wa^er vnd an ir nutz komen an den stetten, da si ir schaden mit verkomen hêtt. Den selben ho^vf ze Stainibrunn het si verko^vft mit allen rehten, mit hûs, mit ho^ef, mit holtz, mit veld, mit akker, mit wisan, mit wasser, mit wasserflússen vnd mit allem dem, so dar zů geho^ert, es sig genemt ald vngenemt, vnd mit aller gewonhait gesůcht oder vngesůcht. Dú vorgenemt Margaret sol och des vorgenemten hôues wer sin nach reht des vorgenemten Johansen Wildrichs vnd aller siner erben vnd nachkomen gen ma^enlichem an gaistlichem vnd an weltlichem geriht. Vnd batt v´ns dú vorgenemt Margaret Zúrffin, das wir ir ga^ebin ainen fúrsprechen, das tâten wir, do nam si ze fúrsprechen Růdolfen von Staina⁴ burger ze sant Gallen, der batt ir eruarn an einer vrtail, wie si sich des vorgenemten hôues ze Stainibrunne vnd aller der reht vnd gewonhait, die si dar an vnd dâr zů hêtt vnd haben mo^eht von kainen Sachen, entzihen so^elt, das es craft hêtti. Do frâgton wir der vorgenemt abt Herman vrtail vmb, do ward ertailt mit gesamnoter vrtail, das dú vorgenemt Margarêt na^em ainen vogt, do nam si Bartholome den Blarrer ze vôgt, dem wir och die vogtie von ir bett wegen vmb die sach enpfûlhen, vnd mit des hant gab si ûf den vorgenemten hof ze Stainibrunne mit allen rehten vnd gewonhaiten, als vorgeschriben stât, vnd batt v´ns den vorgenemten hof lîhen dem vorgenemten Johansen Wildrich, dem wir och den vorgenemten ho^vf ze Stainibrunn mit allen rehten vnd gewonhaiten, als vor ist geschriben, gelihen habin vnd lihen ze rehtem lehen mit disem brief. Vnd ist dis alles geschehen vnd vollefu^ert mit aller der gu^enlichi vnd geziert wôrt vnd werk, so man pfligt vnd pflegen sol in sa^emlichen sachen. Vnd des ze ainer warhait so henken wir der vorbenemt abt Herman v´nser insigel an disen brief. Ich dú vorgenemt Margarêt Zúrffin vergich ain gantz wârhait aller der ding vnd geding, so min gena^ediger herre abt Herman da vorgenemt von mir veriehen hât an disem brief, vnd das ich noch min erben noch nachkomen noch nieman von minen wegen noch an miner stat den vorgenemten Johansen Wildrich noch sin erben an dem vorbenemten ho^vf vnd ko^vf niemer bekrenken noch beswa^eren^a) in kainen weg an gaistlichem noch an weltlichem geriht ald ân geriht, darvmb entzieh ich mich vnd hab entzigen mit disem brief alles schirmes, aller helf, alles rehten gaistliches vnd weltliches, aller gêsetzt vnd gewonhait, die ietz von gaistlichem ald weltlichem reht gesetzt sint ald hienach werdent, damit dirre vorgenemt hof vnd ko^vf bekrenket ald angesprochen mo^eht werden in kainen weg, dâr zů so hab ich dem vorgenemten Johansen Wildrich vnd sinen erben ze merer sicherhait ze wern geben dis nach geschriben fromen vêsten ritter hern Hainrichwalthern vnd hern Eberhart genant von Sultzberg⁵ gebrůder, die durch miner bett willen des vorgenemten Johansen Wildrichs vnd siner erben wern wôrden sint vnd sú verstân vnd versprechen sont nach reht gen ma^enlichem an gaistlichem vnd an weltlichem geriht vnd wâ sú sin notdúrftig sint vmb den vorgenemten hof ze Stainibrunne vnd och vmb das, das von dem selben ho^vf niht gât noch gân sol won der gewonlich zehend. Ich dú vorgenemt Margarêt Zúrffin hab och den vorgenemten wern hern Hainrichwalthern vnd hern Eberharten genant von Sultzberg gelobt, wa^er das sú von der vorgeschribnen werschaft wegen ze schaden ka^emin in dehainen weg, wie der schad genant wa^er, von dem schaden sol ich vnd min erben sú gar vnd gantzlich lo^esen vnd sú vnschadhaft machen. Vnd ze ainer meren sicherhait, das alles das wâr sig vnd sta^et bêlib, so von mir an disem brief geschriben stât, so hab ich och min insigel gehenkt an disen brief. Wir die vorgenemten Růdolf von Staina fúrsprech vnd Bartholome Blarrer vôgt veriehen och ain gantz wârhait aller der ding, so v´nser gena^ediger herre abt Herman da vorgenemt von v´ns an disem brief veriehen hat. Vnd ze merer sicherhait der selben ding so haben wir och v´nserú insigel gehenkt an disen brief. Wir die vorgenemten wern Hainrichwalther vnd Eberhart genant von Sultzberg baid ritter veriehen ain gantz warhait aller der ding vnd geding, so dú beschaiden fro^vb) Margaret Zúrffin von v´ns an disem brief veriehen hât, vnd ze merer sicherhait der selben ding so haben wir och v´nserú insigel gehenkt an disen brief. Der geben ist ze sant Gallen in der stat in dem iare, do man zalt von gottes gebúrt drúzehenhundert jâr, viertzig jâr vnd dar nach in dem ahtoden jâr, an dem na^ehsten donstag nach mittem maiien.

Source Fulltext: Chartularium Sangallense VII, Nr. 4082, S. 14-16.