Allen den, die disen brief an sehent lesent oder ho^erent lesen, kúnd ich Cůnrat der Schenk von Landegge¹ || ritter vnd vergih offenlich an disem brief, dz ich mit gůter beschaidenhait vnd vorbetrahtung Adelhaiden || Lútoltz des Schedelers tohter von Búrren² Hainrich Singenberges³ elichun wirtenn, dú min was von dem || libe, reht vnd redelich geben hen^a) vnd gib si och mit disem brief mit ir lib vnd mit ir gůt, wie es genant ist, ze rehtem wehsel miner liebun můmun Vrsullun von Ramswag⁴ wilunt Egelolfs von Rosenberg⁵ elicher wirtenn vnd ir kinden vmb Tyliun Singenberges³ sa^eligen tohter von Glatburg⁶, die sú mir vnd minen erbun da wider mit ir lip vnd mit ir^b) gůt ze rehtem wehsel geben hant, vnd entzih mich mit^c) disem brief aller der reht vorderung vnd ansprach, so ich ald min erben zů der vorgenanden Adelhaidun Lútoltz des Schedelers tohter von Búrren ald zů ir lib erben ald zů iro gůt ie hettunt ald gewnnent ald wir hie nach dar zů immer han ald gewinnen mugent ald mo^ehtint von reht ald von gewonhait ald âne reht ald von dehainer ander sache wegen vf gaistelichem ald vf weltlichem geriht. Vnd ze merer sicherhait aller vorgescribener ding, dz dú sta^et vnd war sient nu vnd hie nâch, so henk ich min insigel fúr mich vnd fúr mine erben an disen brief. Der geben ist an sant Hylarien tag, do von gottes gebúrt warent drutzehen hundert jare, dar nach in dem nún vnde vierzigosten jare.

Source Fulltext: Chartularium Sangallense VII, Nr. 4106, S. 36.