In^a) Christi nomine amen. Anna divina permissione abbatissa totusque conventus monasterii sanctimonialium in Maggenow¹ || ordinis Cysterciensis Const(a)n(ciensis) dyocesis universis tam presentibus quam futuris, ad quos presentes pervenerint, notum facimus || per presentes, quod nos repetitis vicibus tractatu prehabito diligenti propter bonum et utilitatem monasterii nostri || redditus nostros infrascriptos Anne dicte Zwikinun sanctimoniali monasterii nostri et nostro monasterio pertinentes sibi et monasterio nostro quodammodo propter distanciam loci inutiles vendere decrevimus, ut pecuniam ex eisdem bonis habitam in utiliorem dicti nostri monasterii fructum convertere possemus, et cum post longam dictorum reddituum subastacionem honorabiles confraternitatis nove in ecclesia Const(a)n(ciensi)² sacerdotes nobis maius precium pre ceteris hominibus obtulissent, nos eisdem redditus annuos nobis et nostro monasterio in persona dicte Anne Zwikinun pertinentes, videlicet redditus sex solidorum et octo denariorum Const(a)n(ciensis) monete singulis annis in festo beati Martini episcopi solvendorum de vinea dicta ze dem Lo^v3 sita in Hagenow⁴, cui quedam vinea et ager pertinentes officio sacristie ibidem confinantur, pro tribus libris et quindecim solidis denariorum Const(a)n(ciensium), quos ab eisdem recepimus, vendidimus et in ipsos omni via et modo, quibus melius potuimus, transtulimus et transferimus per presentes pleno iure, renunciantes pro nobis nostrisque successoribus omni actioni excepcioni et defensioni tam iuris civilis quam canonici litteris privilegiis tam apostolicis quam eciam aliis quibuscumque auxiliis, per que vel quibus mediantibus dicta nostra vendicio et translacio quomodolibet infringi vel eciam retardari aut impediri posset. In cuius rei testimonium sigilla nostra nos . . abbatissa et conventus prescripti^b) presentibus duximus appendenda. Datum in monasterio nostro Maggenow sub anno domini millesimo CCC°. XL nono, feria tercia post festum beati Laurencii martiris, que fuit III°. idus augusti, ind. secunda.

Source Fulltext: Chartularium Sangallense VII, Nr. 4133, S. 61-62.