Wir Albrecht^a) von Zimern kloster brůder ze sant Gallen || vnde probest in Brisgauwe¹ kúnden allen den, die disen || brief ansehent oder ho^erent lesen, das wir mit bedach||tem můte vnd sitiger betrachtunge das gůt vnd die gu^eter, die gelegen sint in dem dorfe ze Egringen² in Kostentzer bistom vnd her Heinr. vor Gassen ein ritter von Basel, den man namete der Hagendorn, von v´ns hatte vnd ho^erent in den ding hof ze Egeringen, lihen vnd verlúhen^b) han mit disem gegenwertigen briefe ze einem rechten steten^c) erbe ze habende vnd ze niesende jungfro^vwe Katerinen des vorgenanten hern Heinr. vor Gassen tochter mit allem dem rechte, so der selbe her Heinr. selig die gu^eter von vns vntz her gehebt het, wan sú v´ns aller velle vnd erschatz, so von den selben gúteren vntz vf disen hútigen dag geuallen sint, gewert hat gar vnd gentzelich, also das die selbe jungfro^vwe Katerina v´ns alle jar vf sant Gallen tag von den vorgenanten gu^eteren geben sol ze zinse drisig schilling vnd vier schilling vnd siben phenninge gewonlicher Baseler phennige. Vnd ze einem rechten steten vrkúnde dirre vorgeschriben dinge so han wir der vorgen(ante) Albrecht von Zimern disen brief besigelt mit vnserm ingesigel. Der gegeben wart ze Basel des jares, do man zalte von gottes gebúrte drúzehenhundert vnd nún^d) vnd viertzig jar, an dem nechsten mendag nach sant Gallen tag.

Source Fulltext: Chartularium Sangallense VII, Nr. 4145, S. 72.