Allen den, die disen gegenwúrtigen brief ansehent, lesent oder ho^erent lesen, kúnden wir Burkart¹, Cůnrat², Hain|richwalther³, || Cůrtv^olrich^a)4 vnd Eberhart⁵, her Burkartz von Ramswag⁶ ritter êlichen sún, vnd veriehen offenlich | an disem brieue, das wir alle mit || gůter vorbetrahtung vnd beschaidenhait willeklich gesworn haben ieklicher besun|der ainen gelerten âid ze den haligen mit || vfgehebter hand, das^b) wir vngeuarlich vnd ân allen fúrzug werben vnd darnach stellen súllen, das die burg Blatten⁷ ze v´nsern handen vnd an v´nsern gewalt kom, vnd súllen ôch wir bi dem selben âid, so wir gesworn haben, v´nserm gena^edigen herren abt Herman des gotzhus ze sant Gallen⁸ vnd sinen nachkomen, ob er enist, mit der selben vesti vnd burg, die man nemmet Blatten, getrúlich warten vnd tůn ân fúrzug ân widerred vnd ân alle geua^erd, als ain burgman sinem herren von sinem burgsa^esse billich vnd von reht warten vnd tůn sol. Wir haben ôch genomen in den selben âid, so wir gesworn haben, das wir die vorgeschriben burg Blatten noch lút noch gu^eter, die darzů ald darin geho^erent, niemer verkôffen noch versetzen noch kaines weges verkúmberron súllen noch vera^enderron in kain wis vsser des gotzhus gewalt, won mit des vorgenemten v´nsers herren abt Hermans ald siner nachkomen, ob er enist, gůten willen, gunst vnd verhengd^c). Vnd das dis alles war sige vnd sta^et belib, so an disem brieue geschriben stat, darumb henken wir v´nseri^d) insigel an disen brief. Dis beschach vnd ward dirre brief geben ze sant Gallen, do man zalte^e) von gottes gebúrt drúzehenhundert jar^f) vnd darnach in dem fúnfzigosten iare^g), an dem na^ehsten samstag vor sant V^olrichs tag.

Source Fulltext: Chartularium Sangallense VII, Nr. 4179, S. 99.