Significat^a) sanctitati vestre humilis vester Marquardus de Amptz¹ miles Vlrici de Wolfurt² militis et ambass(iatoris) domini Lo. regis Vngarie³, quod cum olim dilectus frater suus Vlricus de Amptz clerici^b) Constanciensis diocesis in XIIII° etatatis^c) sue anno vel circa illum constitutus nullo caractere clericali insignitus et alia legitima dispensacione cessante parrochiales ecclesias in Muntigel⁴ et in Wasserburg⁵ dicte diocesis, quarum fructus redditus et proventus decemocto marcarum argenti secundum taxacionem decime valorem annuum non excedunt, ad quas ipse Vlr. alias cum canonice instituto extitit XIIII annos vel circa per sufficientes et ydoneos vicarios gubernando tamquam simplex et iuris ignarus possedit prout possidet pacifice et quiete fructus percipiens ex eisdem, quapropter irregularitatem infamiam et inhabilitationem incurrit. Quare supp(licat) eidem sanctitati, quatenus cum eodem fratre suo super irregularitate infamia predictis misericorditer dignemini dispensare ac etiam predictos fructus, quos dudum consumpsit et restituere aliqualiter non valeret, de speciali gratia remittere et eidem Vlr. de dictis ecclesiis de novo providere ac etiam cum ipso, ut easdem ecclesias quibuscumque constitutionibus non obstantibus simul libere retinere possit, de benignitate apostolica dispensare, cum ceteris non obstantibus et executoribus. Habilitamus providemus dispensamus et fructus perceptos remittimus R. . . Datum Auinione XIII° kl. febr. anno decimo.

Source Fulltext: Chartularium Sangallense VII, Nr. 4246, S. 153-154.