Hainricus divina misericordia abbas totusque conventus monasterii Rinaug(iensis) ordinis sancti Benedicti Constantiensis || dyocesis universis in Christo fidelibus presentem paginam inspecturis lecturis seu audituris salutem || in omnium salvatore. Noverint, quos nosce fuerit oportunum, quod nos considerate et pensata utilitate || nostri prefati monasterii Adelhaidim uxorem Cůnr. ab Berge cum liberis suis nostro predicto monasterio titulo proprietatis pertinentes cum reverendis in Christo domino abbate Johanne totoque conventui^a) monasterii sancti Johannis in Thurdal ordinis sancti Benedicti Constanciensis dyocesis pro Anna uxore Růdolfi dicti Laingrůbers de Trúhtlicon cum liberis suis predicto monasterio suo dicto^b) proprietatis pertinentibus permutavimus et presentibus permutamus, accedente etiam ad hoc ipsorum hominum consensu pariter et ascensu^c), renunciantes omni iuri, quod nobis et predicto nostro monasterio in prefata Adelhaide et liberis suis competere videbatur. Renunciavimus etiam omni suffragio auxilio iuris canonici et civilis consuetudini excepcioni contradictioni literis etiam a sede apostolica^d) vel aliunde inpetratis seu inpetrandis et omnibus aliis, que predictam permutacionem revocare possent vel aliqualiter impedire. Et in premissorum evidentiam prelibatis dominis abbati Johanni et conventui monasterii sancti Johannis et eorum monasterio presentes literas nostrorum sigillorum robore contulimus communitas. Datum Rinaug(ie) in nostro prefato monasterio, feria sexta proxima post inventionem sancte crucis, anno domini millesimo C°C°C° quinquagesimo secundo.

Source Fulltext: Chartularium Sangallense VII, Nr. 4253, S. 158.