+++ Innocentius +++ episcopus servus servorum dei dilectis filiis . . abbati et conventui monasterii sancti Galli ordinis || sancti Benedicti Constantiensis diocesis salutem et apostolicam benedictionem. Cum a nobis petitur, quod iustum est et || honestum, tam vigor equitatis quam ordo exigit rationis, ut id per solicitudinem officii nostri ad debitum || perducatur effectum. Eapropter dilecti in domino filii vestris iustis postulationibus grato concurrentes assensu omnes libertates et immunitates a predecessoribus nostris Romanis pontificibus sive per privilegia sive alias indulgentias vobis et monasterio vestro concessas, necnon libertates et exemptiones secularium exactionum a regibus et principibus et aliis Christi fidelibus racionabiliter vobis et monasterio vestro indultas, sicut eas iuste et pacifice obtinetis, vobis et per vos eidem monasterio auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre confirmationis infringere vel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Auinione non. februar. pontificatus nostri anno primo.

Source Fulltext: Chartularium Sangallense VII, Nr. 4280, S. 175.