Wir Karl von gotes gnaden Ro^emischer ku^enig zů allen zeiten merer dez reichs vnd ku^enig zu Beheim veriehen vnd tu^en kůnt offen||lichen mit disem bri^efe, daz wir haben angesehen innige bete^a), willige^a) gehorsam und getrewe dienste, die vns der erwirdige^a) || Herman abbte^a) dez gotshaus zů sant Gallen¹ vnser lieber fu^erste vnd andechtiger vormals getan hat vnd noch getůn mag || vnd sol in ku^enftigen zeiten, důrch daz sein gotshaus sich gebezzer in vnsern seligen lebtagen vnd zeiten, haben wir von su^enderlichen kuniglichen gnaden im vnd allen seinen . . nachkomen vnd dem obgenanten gotshaus zů sant Gallen die gnade getan vnd tu^en vnd verleihen in genediclichen vnd williclichen mit krafft dicz gegenwertigen bri^efes zwen jaremerkte^b) vnd jerlichen marckt tage^a) zu Abbteszelle² in dem lande bei der kirchen zů haben ierlichen in aller der mazze^a) vnd weise^a) vnd mit allen den rechten nu^eczen vnd gůten gewonheiten, als ander jarmerckte vnd jerliche margketage^a) in andern steten von vnsern voruarnden oder von vns seind bestetigte^a) vnd verlihen, also daz die selben jarmerkte vnd ierlichen marktage alle lew^ete besuchen mu^egen vnd sullen vnd dar komen vnd varen nach irem willen. Vnd der selben merckte wirt vnd sol sein einer an dem mantage zů ausgender pfingstwochen vnd der ander marckte der wirt vnd sol sein an sant Mauricien³ tage^a) iericlichen vnd ewiclichen in ku^enftigen zeiten. Aůch haben wir von süu^enderlicher kuniglicher gu^ete dem obgenanten abbte vnd allen seinen . . nachkomen vnd aůch dem gotshaus zů sant Gallen geben vnd verliehen die zo^elle auf den obgenanten zwein mercken mit allen iren nůtzen rechten vnd zůgeho^erůngen in aller der mazze^a), als sein voruarnden vnd aůch er vnd sein . . nachkomen die zo^elle haben ni^ezzen vnd halten in der stat zů sant Gallen. Mit v^orku^ende dicze brifes versigelt mit vnserm kuniglichem insigel. Der geben ist zů Kostincz nach Christus gebůrt dreuczehenhundert jare vnd darnach in dem dreyvndfu^emfczigstem jare an dem mantage nach sant Matheus tage dez heiligen zwelfboten vnd ewangelisten in dem achten jare vnserre reiche.

Source Fulltext: Chartularium Sangallense VII, Nr. 4316, S. 203-204.