Karl von gots gnaden Ro^emischer kunig zu allen zeiten merer dez reichs vnd ku^enig zů Beheim enbi^eten dem . . || amman, dem . . burgermeister, dem . . rate^a) vnd den . . bu^ergern gemeinclichen der stat zů sant Gallen vnsern || vnd dez reichs lieben getrewen vnser ku^enigliche hůlde vnd alles gůt. Lieben getrewen, wir heizzen euch vnd gebi^eten || ernstlichen ew^eren trewen, daz ir dem edelen Hartmanne^a) dem Meyir von Wyndecge^a)1 die stew^er, die ir dem reiche jericlichen schuldig seit, ditz gegenwertige^a) jare^a) geben su^ellet, vnd wenne^a) ir daz getůt, so sagen wir euch der selben obgenanten stew^er mit krafft dicz brifes daz jare^a) qui^et los vnd freye^a). Mit vrkůnde dicz bri^efs versigelt mit vnserm insigel. Der geben ist zu Basel nach Christs gebůrt drew^eczehenhůndert vnd in dem drew^eundfu^emfzigstem jare^a), an dem sampcztage^a) nach sant Lucas tage^a), in dem achten jare^a) vnserre^a) reiche.

Source Fulltext: Chartularium Sangallense VII, Nr. 4321, S. 206-207.