Ich Herman von Landenberg lantvogt ze Erge^vw vnd ze Turge^vw¹ vergich || vnd tůn kunt offenlich mit disem brief, daz ich Johns. Hans sun || von Costentz burger ze Wile² gegeben habe vnd gibe mit disem brieue || mins herren des hertzogen von O^esterrich³ vnd min huld vnd gnade vmb den totschlag, so er getan hat an Heinr. seligen dem Wagner von Wile, dar vmbe sich der vorgenant Johns, mit mir vnd an miner stat mit dem vogte von Fro^vwenuelt⁴ berichtet hat gar vnd gentzlich, mit vrkund ditz brieues. Der geben ist ze Lentzburg⁵ an samstag vor sant Gregorien tag, anno domini millesimo CCC^mo L^o quarto.

Source Fulltext: Chartularium Sangallense VII, Nr. 4345, S. 230.