Wi^er Albr. von gots^e gnaden hertzog ze Oster. ze Steyr vnd ze Kernden¹ tu^en chunt, daz wi^er haben || gnedichlich angesehen die gepresten vnsrer pu^erger von Raprechtzwil² vnd ouch di^e gro^ezzen notdúrft || vnsrer stat daselbs, vnd haben denselben vnsern purgern vnd allen den, die zu in varent in die || stat ze Raprechtzwil, di^e genad getan vnd tu^en ouch mit disem brif, daz si von dem heutigen tag, alz der bri^ef geben ist, zehen gantze iar nach einander vor aller stew^er vrey vnd ledig sein suln, vnd wellen ouch, daz si dhainer vnsrer vogte diselb zeit vmb dhain stew^er nicht no^ett noch phreng in dhainen weg. Mit vrchund ditz brifs. Geben ze Paden im Ergow^e3 an mitichen vor sand Matheus tag des zwelifpoten nach Krists^e gepu^erd dreutzehen hundert iar, darnach in dem vi^er vnd fumftzigistem iar.

Source Fulltext: Chartularium Sangallense VII, Nr. 4374, S. 246.