Wir Albr.¹ etc. tu^en chunt, daz wir vnserm ohem graf Hansen von Habspurg², der stat vnd sein purgern ze Raprechtsweil³ von sundern gnaden gegunnen haben vnd gunnen ouch mit disem brief, daz si still sitzen sullen in dem krieg, so wir haben mit den von Zurich⁴ vnd irn eydgnozzen, also daz si weder vns noch denselben vnsern widersachen in dhainen Sachen helfen noch zůlegen sûllen, vnd haben ouch die vorgenanten graf Hansen vnd sein purger ze Raprechtzwil gesichert vnd getro^estet denselben krieg auz fu^er vns vnd all di^e vnsern also doch, daz wir vnd die vnsern von derselben stat vnd purgern ouch vnbeschêdiget beliben. Datum in Prukk⁵ feria secunda post Jacobi anno domini M°.CCC.L quarto.

Source Fulltext: Chartularium Sangallense VII, Nr. 4361, S. 239.