Wir Albr.¹ etc. tun chund, daz wir mit Hermann von Landenberg² vnserm lantuogt vberain chomen sein vmb vnser stat vnd purk Raprechtzwil³, die er von vnsern wegen innemen vnd trewlich besorgen vnd behueten sol, als ob es sein selbs wêr, also daz er daselbs ze Raprechtzwil von dem nêhsten chunftigen aller hailigen tag vntz vf den nêchsten ersten mayentag haben sol hundert man mit helm, vnd sullen wir im zu^e den selben hundert da hin legen CC. schútzen ze fu^ezzen vnd hundert mit mann^a) helmparten vnd mit spiezzen, mit den allen er di^eselben stat vnd purg ze Rapre. trewlich behueten vnd besorgen sol vf daz egenant zil, vnd dar vmb sullen wir ime geben IX.M. guld(en), der wir in vf phant ytzund verricht haben M. guld(en), vnd der andern, ob er di^e verdienet, sullen wir in richten halb vf di^e vasnacht, di schirest chumt, vnd halb vf mituasten dar nach. Mit vrch(und) ditz brifs^e. Datum in Prukk Ergoger^b)4, in die apostolorum Symonis et Jude, anno domini M CCC L quarto.

Source Fulltext: Chartularium Sangallense VII, Nr. 4380, S. 249.