Ich Hainr. Marquart von Lalwang¹ ain vrige lantrichter ze Schatbůch² tůn kunt, das Walther der || Blarer stat amman ze sant Gallen³, Hans der Munser vnd Hans der Tegan burger ze sant Gallen || fu^er geriht komend an den lantag ze Schatbůch des mantagz nach sant Andres tag vnd zaig||tent ir brief, die si hant von kungen vnd von kaisern vnd sunderbar von kaiser Karlen von Rom⁴, die brief stundend also, das nieman dehainen iro burger von sant Gallen laden noch vmtriben sol vff dehainen andern geriht danne ze sant Gallen in der stat vor iro amman, war aber, das su dar v^eber jeman lu^ed ald vmzug vf dehainem geriht, das sol in vnschadlich sin vnd sol kain kraft han, war aber, das das jeman dar vber ta^et, der solti verfallen sin fu^enf vnd zwainzig mak^a) lodiges goldes vnd dem . . rat vnd den . . burgern vnd der stat ze sant Gallen och funf vnd zwainzig mak^a) lo^ediges goldes. Do nu dis beschach vnd die brief verhoret wurdent, do battend die vorgenanten burger ze sant Gallen zerfarend, was recht war. Do ward ertailt vnzerworfenlich mit rehter vrtail, sit Welti Hennower die vrihait vnd genad vber sechen hetti, alz vor gesch(riben) stat, das er danne dem rich verfallen war funf vnd zwainzig mak^a) lodiges goldes vnd den burgern vnd der stat ze sant Gallen och fu^enf vnd zwainzag^a) mak^a) lodiges goldes. Dis beschach vnd^b) ward diser brief geben nah rehter vrtail ze Schatbuch des jarz, do man zalt von gottez geburt dru^ezechen hundert jar, dar nach in dem subenden vnd funfzigistem jar, des obgesch(riben) mantagz.

Source Fulltext: Chartularium Sangallense VII, Nr. 4513, S. 359-360.