Hermannus dei gracia abbas monasterii sancti Galli¹ ordinis sancti Benedicti Const(anciensis) dyocesis patronus parrochialis ecclesie sancti Laurencii² site in oppido || sancti Galli dicte dyocesis et | Cůnradus de Ramswag³ eiusdem ecclesie rector omnibus presencium inspectoribus subscriptorum noticiam cum salute. Cum a lon||gevis retroactis temporibus in oppido sancti Galli pre|fato observatum sit et extiterit hactenus inconcusse, quod^a) procuratores magistri seu provisores hospitalis || pauperum sancti Spiritus⁴ siti in oppido prefato pro tempore existentes sine alterius requisicione^b) | unum sacerdotem honestum, quem vellent, assumerent assumptumque^c), quando vellent, deponerent et alium, quem vellent, substituerent^c), qui pauperibus in eodem hospitali degentibus, ne sine missarum sollempnia^d) consolacione transirent, missam inibi celebraret, cui eciam sacerdoti in necessariis de bonis et rebus ipsius hospitalis hactenus, cum nulla prebenda perpetua^e) alias ibidem existat, providebatur, nobisque pro parte dictorum pauperum^f) humiliter supplicatum extiterit, ut dictam antiquam et longevam observanciam ac morem ratificare approbare et confirmare ac nostrum consensum eidem liberum sine tamen preiudicio parrochialis ecclesie prefate inpertire dignaremur propter deum. Nos igitur, qui divinum cultum augeri desideramus pocius quam minui, nolentes eciam pauperibus predictis id subtrahi, quod pietas circa hoc dedit inchoari, matura et bona deliberacione et tractatu diligenti desuper prehabitis prefatam antiquam et longevam observanciam ac morem ex certa sciencia et absque preiudicio parrochialis ecclesie prefate presentibus ratificamus approbamus et in quantum possumus confirmamus ac nostrum consensum inpertimur, volentes insuper et consencientes pro nobis nostrisque in evum successoribus ac presentibus statuentes, quod^a) procuratores magistri seu provisores hospitalis predicti, qui pro tempore fuerint^g), exnunc in antea perpetuo et in evum^h) possint et dono nostre gracie libere valeant sine alicuiusⁱ⁾ requisicione unum honestum et ydoneum sacerdotem assumere^k) et, quandocumque placuerit, eundem deponere et iterum, quem velint, alium subrogare^k), qui pauperibus dicti hospitalis missarum sollempnia celebrare et eciam alia sine offensa et lesione predicte parrochialis ecclesie facere valeat et possit, que huiusmodi sacerdos iuxta morem prefatum ac utilitatem predicti hospitalis^l) facere et exercere hactenus consuevit, et presertim cum plebanus dicte parrochialis ecclesie, alias cum subditis eiusdem ecclesie et cura ipsorum legittime prepeditus dictis pauperibus in premissis commode^m) non valeat providere, promittentes nichilominus pro nobis nostrisque successoribus premissa omnia et singula rata grata et firma perpetuo habere et tenere nec unquam contra venire quovis quesito ingenio vel colore, renunciantes insuper in et super premissis omnibus et singulis pro nobis nostrisque in evumⁿ⁾ successoribus nos Hermannus predictus nomine nostro et nostri monasterii et ego Cůnradus predictus nomine meo et dicte ecclesie mee nomine omnibus et singulis privilegiis leg(um)^o) iuris et consuetudinis^p), condicionibus seu causis quibuslibet, favoribus, accionibus seu excepcionibus nobis vel cuilibet nostrum seu successoribus nostris quovis modo competentibus seu competere nunc vel in futurum valentibus, per que nos vel alter nostrum vel successores nostri quomodolibet contra premissa vel aliquod premissorum venire vel agere possemus, adhibitis in premissis verborum et gestuum sollempnitatibus debitis et consuetis. Et in premissorum omnium et singulorum robur et evidenciam perpetue firmitatis^q) nos . .^r) abbas et Cůnradus supradicti presentes hospitali predicto nostrorum damus sigillorum pro nobis nostrisque successoribus universis munimine communitas. Datum in oppido sancti Galli prefato, anno domini millesimo tricentesimo quinquagesimo septimo, in vigilia sancti Martini.

Source Fulltext: Chartularium Sangallense VII, Nr. 4510, S. 357-358.