Wir Herman von gottes gnaden abt dez gotzhus ze sant Gallen¹ tůnt kvnt vnd vergehin offenlich mit disem gegenwúrtigen brief allen, die in ansehent alder ho^erent lesen, daz wir ze geriht sassen vff v´nserm hof || ze sant Gallen vnder der linden, da kamen fúr v´ns dv´ edel frow fro Adelhait von Gv´ttingen² wilent hern Willehelmes sa^eligen von Ênne³ ains fryen herren elichv´ frowe, Etzel von Enne⁴ ir svn, Willehelm vnd Walther || von Enne⁵ gebrůder hern Růdolfs sv´n von Enne⁶, vnd offenet dv´ obgenant fro Adelhait mit ir fúrsprechen Johansen Wilderich vnd sprach also, si vnd dv´ selben irv´ kint wa^erint ains rehten koffes v´berain komen mit dem || beschaiden man Hainrichen von Tettikouen⁷ dem eltern burger ze Costentz vmb dv´ gu^eter, dv´ hie nach geschriben stant, dv´ von v´ns vnd v´nserm gotzhus lehen sint, vnd woltent sich der entzihen, als reht wa^er, vnd zogtent v´ns och ainen brief⁸, der besigelt was mit hern Růdolfs insigel von Enne, der ward vor geriht gelesen vnd bewist v´ns, wa^er daz der selb her Růdolf von Enne dekain reht an den selben gůten hette ald hernach daran gewinnen mo^eht nach siner můter tode, ob er si v´berlebet, das er v´ns dv´ och vff gesendet hat vnd in v´nser hant verzigen. Vnd bat ir och dv´ selb fro Adelhait mit dem selben ir fúrsprechen erfarn, wie si dv´ selben gu^eter vffgeben solt vnd der entzihen, als reht wa^er. Do ward mit vrtail ertailt, daz si ainen vogt da vor geriht nemen solt, mit dem dv´ sach vollefu^ert wu^erde. Do nam si ze vogt den edelen herren hern Dv´ring von Brandis⁹ ritter, dem lihen wir die vogtye nach v´nsers gotzhus gewonhait. Der selb vogt her Dv´ring von Brandis bat im do och mit dem selben fúrsprechen Johansen Wilderich erfarn, wie er fúrbas in der sach varen solt, als reht wa^er. Do ward mit vrtail ertailt, das si dv´ selben gu^eter nâmdi, dv´ si verkoft hettin. Do nâmde si Mv´nsterlinger¹⁰ vogtye ze Kesswile¹¹, Mv´nsterlinger vogtye ze Vtwile¹² v´ber lút vnd v´ber gůt, den hof ze Vtwile, den V^eli Rot bûwet, vnd den hof ze Katzenrúti¹³, mit allen nútzen, rehten, gewonhaiten vnd zů geho^erden, als si die selben vogtyen vnd gu^eter vntz her gehebt hant, vnd namden och Johansen den Dingeler. Darnach bat im aber der selb vogt mit sinem fúrsprechen erfarn mit vrtailt, wie er fúrbas in der sach varen solt, als reht wa^er. Do ward vnzerworfenlich mit der meren vrtailt, won der obgenant her Dv´ring von Brandis der selben fro Adelhaiten mit dem rehten ze vogt geben was, daz si danne dv´ selben gu^eter, vogtyen vnd den Dingeler mit des selben ir vogtes willen vff geben solt an v´nser hant, vnd das wir dv´ lihen soltin dem selben Hainrichen von Tettikouen, vnd daz das danne wol kraft vnd maht hett nach dem rehten. Daz tet dv´ selb fro Adelhait, als ir ertailt was, vnd gab da dv´ selben gu^eter vnd vogtyen vnd den Dingeler mit des selben ir vogtes willen vnd gvnst vnd mit siner hant willeclich vff an v´nser hant. Vnd die obgenanten Etzel von Ênne vnd Willehelme vnd Walther gaben es mit ir vff vnd verzigen sich daran in v´nser hant a^ellv´ gemainlich fúr sich vnd ir erben aller der reht vnd aller der ansprach, so si daran hatten gemainlich ald ir dekaines svnderlich daran haben vnd gevinnen^a) mo^ehtin von dekainer slaht geriht ald reht gaischelichs ald weltlichs. Vnd baten v´ns, dv´ selben gu^eter, vogtyen vnd den Dingeler lihen dem selben Hainrich von Tettikouen. Daz haben wir willeclich vnd dankes getân durh iro bette, vnd haben dv´ selben gu^eter vnd och die vogtyen mit aller zů geho^erde gelihen vnd lihe^a) si vnd Johansen den Dingeler mit disem brief dem selben Hainrichen von Tettikouen ze rehtem lehen. Vnd ist dis alles beschehen vnd vollefu^ert mit allen den worten, werken vnd geta^eten, so darzů hort vnd notdúrftig was vnd als vor v´ns vor offeme geriht mit vrtailt vnd nach dem rehten ertailt ward. Vnd ze warem vnd offeme vrkv´nd vnd sta^eter sicherhait aller dirre vorgeschriben dinge geben wir vorbenenter abt Herman des gotzhus ze sant Gallen v´nser insigel an disen brief. Darnach vergehen wir dv´ vorbenenten fro Adelhait von Enne, Dv´ring von Brandis vogt in dirre sach, Etzel von Enne, Willehelme vnd Walther von Enne gebrůder vnd Johans Wilderich fúrsprech in dirre sach vnd kv´ndin offenlich an disem selben brief ainer gantzer warhait alles des, so da vor von v´ns allen vnd von v´nser iegelichem svnderlich geschriben stat. Vnd des ze warem vrkv´nd haben wir och a^ellv´ v´nserv´ aigenv´ insigel zů des vorbenenten v´nsers herren abt Hermans insigel gehenket an disen brief. Dis beschach vnd ist dirre brief ze sant Gallen geben, do man von Cristes gebúrt zalt drv´zehenhvndert jar, darnach in dem siben vnd ffv´nfzigosten jar, an dem nehsten dvnstag vor sant Gallen tag.

Source Fulltext: Chartularium Sangallense VII, Nr. 4503, S. 351-353.