Ich Markwart von Schellenberg¹ kúnd vnd vergihe menlichem mit disem brief vmb die sto^ezze vnd missehellung, so || ich han gehebt mit den burgern von sant Gallen von der veste wegen ze Wasserburg², die gebrochen ist, dar || vmb ich die selben von sant Gallen ein teil geschuldigot hatte, da hab ich mich vmb eruarn nach miner frúnd || vnd ouch nach ander erber lúten rate, daz sich befunden hat, daz die vorgeschriben burger von sant Gallen an der sache vnschuldig sint, vnd hab ouch des ein lieplich richtung mit in genomen vnd bin ouch vmb die sache gar vnd gentzlich ir gůter getrewer frúnd worden, das ich noch nieman von minen wegen si dar vmb niemer mere geuehen súln in keiner wise, vnd sol ouch ich in diz richtung niemer mere abgesagen dekeins weges, vnd sint dirre vorgeschriben sache ta^egdinger gesin her Hartman der Meiger von Windegg³ ritter vnd Eberhart von Sax⁴. Vnd dirre vorgeschriben sache ze vrkúnd, das ouch das also stete vnd veste belibe, so hab ich der obgenempt Markwart von Schellenberg min eigen insigel gehenket an disen brief, vnd hab erbetten die obgenempten hern Hartman den Meiger von Windegg vnd Eberharten von Sax, daz si ze minen wegen vmb diz vorgeschriben sache ir insigel súlend henken an disen brief. Wir die vorbenempten Hartman der Meiger von Windeg vnd Eberhart von Sax veria^ehen ouch, das wir durch ba^ette willen dez obgenempten Markwarten von Schellenberg vnd wan wir ouch der sache ta^egdinger sin gesin, vnsrú eignú insigel gehenkt haben an disen brief, der geben ist ze Wesen⁵ an dem nehsten mentag nach sant Gallen tag, do von gottes gebúrte warend drúzehenhundert vnd fúnftzig jar, dar nach in dem achtoden jar.

Source Fulltext: Chartularium Sangallense VII, Nr. 4566, S. 413.