Ich graf Jo^erg graf Frid. su^en von Dokenpurg¹ veriech vnd tu^en chunt || mit di^esem pri^ef allen den, di in^a) sehen lesent o^eder ho^eren lesen, di nu^e lebendig sind vnd || her nach chu^enftig werdent, daz ich schuldig pin vnd gelten schol meinem liben || o^eheim vogt Vlr. dem jungen von Maethcz² hundert guldein gu^eter vnd geber Flor., di er mir gelihen hat zu^e Wi^en³ in der stat, dar zu^e vnd ich ir notdo^erft waz, vnd dar vm so secz ich zu^e purgen Hansen von Langenhart⁴ vnd han im di^e selben phennig gelobt wider zu^e geben in feiertagen zu fphinsten, di nv schirest ku^ement, vnd so wa ich dez nicht det, so hat er fallen gebalt^b), di selben phennig auz^c) zu^e nemen vnd gebinen^d) auf meinen schaden, o^eder wi er der phennig schaden nem, dez schol ich vorgenanter graf Jo^erg vnd alle mein erben im vnd allen seinen erben von helfen vnd zu ledigen an allen seinen schaden, vnd ich^e) Hans von Langenhart vergi^echt^f) auch an di^esem offen pri^ef, wan er^f) nach dem^g) vorgenantem czil er mant werd, daz er^f) dan schu^el leisten mit dreien pherden vnd mit dreien knehten zu^e sant Gans⁵ in der stat o^eder zu^e Feltkirchen⁶ in der stat zu^e einem offen wirt, vnd schol auz der leistung nimmer ku^emen alz lang, piz daz er schadens vnd hawbt gu^etz gar vnd genczigkleichen verricht vnd gewert wirt. Vnd der sach sint gezvg di ersam leut, do daz gesach, her Jos von Gervt⁷ vnd Persch von Langensteig⁷ vnd Franczisch von Werenperg⁸ vnd ander geczevgen genvng. Vnd zu einer pesser sicherhait so gib ich im di^esen bri^ef versigelt mit meinen anhangendem insigel, vnd vnter daz selb insigel so verpint sich Hans von Langenhart. Vnd ist gesechen, do man czalt von Christes gepu^ert drevczehen hundert jar vnd dar nach in dem nevn vnd fu^enfczigistem jar an der nachsten mitichen in der fasten nach letare.

Source Fulltext: Chartularium Sangallense VII, Nr. 4588, S. 430.