Wir die nachgenemten Markquart von Schellenberg¹, her Burkart von Elrbach² von Phaffen||houen³ vnd her Swîgger der Tumme⁴ kúndent vnd veriehen menlichem mit disem brief || vmb die sto^ezze vnd misshellung, so wir gehept habint mit den . . burgern von sant Gallen || baidú von der vesti wegen ze Wasserburg⁵, die gebrochen ist, darumbe wir die selben burger von sant Gallen entail geschuldgot hatten. Da haben wir vns vmb eruarn nach vnser frúnd vnd nach ander erber lút rât, daz sich befunden hât, daz die vorgeschriben burger von sant Gallen an der selben sach vnschuldig sint, vnd haben des ain lieplich richtung mit in genomen vnd sient o^vch vmb die selben sach vnd o^vch vmb die sûmsa^eli des brieues, so sú soltent han geben, als vormales in der richtung, so ze Wesun⁶ beschach⁷, berett wart, gar vnd gantzlich ir gůten vnd getrúwen frúnd worden, daz wir noch ieman von vnseren wegen sú darumbe niemer mêre geuêhen súllent in kain wîse, vnd súllent o^vch inen diz richtung niemer mê abgesagen dekaines weges. Vnd dirr vorgeschriben sachen ze vrchúnd, daz och die also sta^et vnd vest belibent, so haben wir die vorgenemten Markquart von Schellenberg, her Burkart von Elrbach vnd her Swigger der Tumme vnsrú insigel gehenkt an disen brief. Der geben wart ze Núnburg⁸, an dem na^ehsten sunnentag^a) vor dem palm tag, in dem jar, do man zalt von Cristus gebúrt drúzehen hundert jar, fúnfzig jar vnd darnach in dem nunden jar.

Source Fulltext: Chartularium Sangallense VII, Nr. 4590, S. 431.