Ich^c) swester Mechthilt Sto^eirin priolin des conventes gemeinlich des closters an O^etenbach Zv´rich¹ Bredier || ordens in Costenzer bistům tůn menlich ze wissen mit disem brief, als der erwirdig herr graf Kraft || von Toggenburg der brobst selig² dvrch got vnd dvrch siner selheil willen v´nsrem closter geordnet || vnd geben hat zehen mút kernen geltes Zv´richer messe, die selben zehen stûk aber swester Elisabethen von Lv´tenspurg³ v´nser conuent swester libding sint, die man ir jerlich weren sol vsser v´nser coren kâmer, das ich da mit gv^oter vorbetrachtung mit des egenanten bropstes seligen gv^oten frúnden vnd mit v´nsers pronfizials^b) vnd mit v´nsers conuentes gůten willen vnd gvnst geordnet vnd gesetzet han die vorgenanten zehen stuk kernen geltes v´nsren conuent swestren in das siechhus mit der bescheidenheit vnd gedingen, wenne die vorgeseit von Lv´tenspurg ab erstorben ist, das man danne die egenanten zehen stuk kernen geltes jerlich vsser v´nser côrnkamer einer siechmeistrin, welú danne siechmeistrin ist, geben sol, vnd setz mans ir vf ir conzenzi, das si in der wuchen dz drit mal da von geben sol, als verre sich der vorgenant kêrn gezúcht, an alle geverde, vnd svns ie ze ostren an vahen geben, vnd her vber ze einem offen vrkv´nd, das dis vorgeschriben war vnd stet belibe, so han ich die vorgenant priolin vnd der convent gemeinlich v´nsrú insigel offenlich gehenket an disen brief. Der geben wart an dem ersten tag meijen, da man zalt von gottes gebúrt drúzehenhundert vnd fúnfzig jar vnd dar nach in dem nv´nden jar.

Source Fulltext: Chartularium Sangallense VII, Nr. 4594, S. 434.