Wier Karl von gots gnaden Ro^emischir keiser zu allen zeiten merer des reichs vnd ku||nig zu Beheim embieten dem amman dem rate vnd den burgern gemeinlich der || stat zu sand Gallen vnsern vnd des reichs lieben getrewen vnser genad vnd alles || gut. Als wir vormals dem edeln Ru^egern Manis³ vnserm lieben getrewen rittir vnd teglichem hofegesinde die stewr, die ir vns vnd dem reiche ierlich auf sande Merteins tag schuldig zu geben seit, zu euch bescheiden haben, als gebieten wir ewern trewen ernstlich bey vnsern vnd des reichs hulden, daz ir dieselbe stewer, die vns auf sande Merteins tag von euch geuallen vnd geben sein solde, dem egenanten Ru^egern vnd niemand andirs, als schire ir diesen brief ansehecht, vnuertzogenlich geben vnd antworten sullet, vnd wenn ir daz getan habt, so sagen wir euch derselben stewr gantz vnd gantz^a) quit ledig vnd los mit diesem briefe. Geben zu Prage, nach Cristes gebu^erde dreizenhundirt iar, in dem sechtzgistem iare, an sand Scolastiken tage, vnserr reiche in dem vierczendem vnd des keisertums in dem fu^emften jare.

Source Fulltext: Chartularium Sangallense VII, Nr. 4666, S. 489.