In nomine sancte et individue trinitatis feliciter amen. Karolus quartus divina favente clemencia Romanorum imperator semper || augustus et Boemie rex ad perpetuam rei memoriam. Pre ceteris virtutum operibus, ad que ex suscepto divinitus imperialis dignitatis officio aspiramus, || illud magestas cesarea ampliori desiderio digne prosequitur, per quod ecclesiarum et ecclesiasticarum personarum profectibus et divini cultus augmentis amplius providetur. || Hinc est, quod sincere devocionis affectum, quo honorabiles . . prepositus . . decanus et capitulum ecclesie Constanciensis devoti nostri dilecti nos et sacrum iugiter venerari studuerunt et student imperium, graciose consideracionis intuitu advertentes et specialem eis obinde graciam facere cupientes, iuspatronatus ecclesie parrochialis in Tal² prope opidum Rinegge³ Constanciensis diocesis, quod ad nos et ad sacrum imperium pleno iure pertinere dinoscitur, seu ius presentandi perpetuo rectorem ad eandem ecclesiam, quociescumque vacabit, cum omni alio iure honore fructu emolimento et pertinenciis quibuscumque possint designari vocabulis, habito super hoc una cum venerabilibus et illustribus principibus electoribus et aliis nostris et imperii sacri principibus diligenti consilio, auctoritate cesarea et de plenitudine imperatorie potestatis pro nostrorum et predecessorum nostrorum dive recordacionis Romanorum imperatorum et regum peccatorum remedio ac nostre et eorum animarum salute . . preposito . . decano et capitulo antedictis animo deliberato donacione irrevocabili dedimus contulimus et donavimus damus conferimus ex certa nostra sciencia presentibus et donamus, dantes et tradentes eis, quantum in nobis est, eiusdem iuris patronatus seu presentandi rectores perpetuo, sicut predicitur, possessionem vel quasi omniumque ad id spectancium quovis modo, faventes eisdem et auctoritate premissa cesarea favorabiliter (M) indulgentes, ut pro ipsius ecclesie unione annexione dimembracione et incorporacione apud sedem apostolicam et alibi, ubicumque (M) opus fuerit, licite valeant laborare. In huiusmodi siquidem unionem annexionem dimembracionem et incorporacionem, (M) quantum nostra interest, exnunc spontanee consentimus ac sanctissimo in Christo patri et domino nostro domino pape attento studio supp(M)licamus, alios vero, quorum interest vel intererit, affectuose requirimus et rogamus, ut unionem annexionem dimembracionem (M) et incorporacionem huiusmodi velint admittere et eam cum solempnitate debita consummare, reservata sicut est iustum de (M) eiusdem ecclesie obvencionibus et fructibus pro perpetuo ecclesie ipsius vicario congrua porcione, de qua decenter vivere et (M) onera ipsi ecclesie incumbencia valeat supportare. Signum serenissimi principis et domini domini Ka(M)roli quarti Romanorum imperatoris invictissimi et gloriosissimi Boemie regis. Testes huius rei sunt (M) venerabiles Johannes Luthomislensis⁴ imperialis aule nostre cancellarius, Pertoldus Eystetensis⁵, Fridricus Ratisponensis⁶, Johannes (M) Argentinensis⁷, Paulus Frisingensis⁸, Henricus Lubuczensis⁹ et Theodricus Wormaciensis¹⁰ episcopi, illustres Ludowicus dictus Romanus marchio Brandeburgensis¹¹ sacri imperii archicamerarius, Rydakarus Brunswicensis¹², Wencezlaus Ligniczensis¹³ et Bolko Opuliensis duces¹⁴ necnon spectabiles Burkardus magister curie nostre et Johannes burgravii Magdeburgenses¹⁵, Ludwicus et Ludwicus comites de Otinga¹⁶ ac nobiles Sbinco Lepus¹⁷, Hasco de Swereticz¹⁸ et Thymo de Koldicz¹⁹ camere nostre imperialis magistri et multi alii fideles nostri dilecti, presencium eciam sub imperialis magestatis nostre sigillo testimonio litterarum. Datum Nurinberg anno domini millesimo trecentesimo sexagesimoprimo, indiccione quartadecima, VII. kaln. maii, regnorum nostrorum anno quintodecimo, imperii vero septimo.

Source Fulltext: Chartularium Sangallense VII, Nr. 4737, S. 545-547.