Wir graff Fridrich von Toggenburg¹ graf ze Bra^ettengow² vnd ze Tafas³ tůnd kunt allen den, die disen brieff an sehend oder ho^errent lesen, das fúr v´ns kamen Jacob Wild vnd Heinrich Wild sin stúffsun von Sirnach⁴ vnd baten ein wisen von inen vfnemen, die ze Túnbrunnen⁵ ist gelegen bi dem bach vnd einhalb stost an die widan anderthab^a) an des gotzhus gu^eter, die gen Rúti⁶ ho^errent, die sy ze kouffen geben hetten den erwirdigen herren dem abt vnd dem conuent gemeinlich des gotzhus ze Rúti vmb drú hundert lb. den. gůter Cost(enzer) múntz, der si ouch gantz gewert werint, won die selb wis ouch von v´ns lehen waz, vnd dz wir die eigenschafft der obg(enanten) wiß mit allen rechten den vorg(enanten) herren vnd ir gotzhus gebint. Do sahen wir an v´nser vnd v´nser vordern selen heil vnd gaben vnd geben mit vrk(únd) diß briefs die eigenschaft der obg(enanten) wisen mit allen rechten vnd zůgeh(o^erden) luterlich durch got durch v´nser frowen vnd durch aller heilgen er willen vnd durch v´nser vnd v´nser vordern vnd nachkomen selen heil willen den obg(enanten) herren dem abt vnd gemeinem conuent des gotzhus ze Rúti fúr eigen, vnd ist dis alles beschechen vnd vollfu^ert mit v´nserm gůten willen vnd gunst vnd mit v´nsern handen fúr v´ns vnd v´nser erben. Vnd des ze warem vrk(únd) so henken wir obg(enanter) graf Fridr. v´nser eigen insigel off(enlich) an disen brieff fúr v´ns vnd v´nser erben. Der geben ist ze Liechtenst(aig)⁷ vff Vrbani anno domini M°CCC°LXI°.

Source Fulltext: Chartularium Sangallense VII, Nr. 4743, S. 551.