Allen^a) den, die disen gegenw´rtigen brief ansehent alder ho^erent lesen, kúnden wir der prior vnd der conuent sant Augustines ordens ze Costentz¹ || in der stat vnd wir dv´ a^eptischenne vnd der conuent ze Ta^ennikouen² sant Bernhartz ordens, daz wir vor dem erwirdigen witzigen herren maister || V^olrich dem Linden in schidmans vnd vzrichters wise ainhelleclich v´ber ain komen sigin in der zwaienge, so wir hetten von ains selgera^etes || wegen³ nach dem, als hie nach geschriben ist, also daz wir dv´ vorbenente a^eptischenne vnd der conuent veriehin vnd erkennin, daz wir von Wernhers Hunt⁴ sa^eligen wegen ab dem hofze Oberhofstetten⁵ súlin ja^erlich vnd vnuerzogenlich geben den erberen gaistlichen vorbenenten herren den Augustinern ze Costentz vierzehenthalben schillinge gůter Costentzer múns enzw´schon ze sant Gallen vnd ze sant Martins misse, ez wa^ere danne, daz von hagel ro^vp vrlv´ge brant oder von gemainem lantbresten, so merklicher gebrest wrdi vf dem vorgenanten hof, daz wir erkandin bi v´nser gewissene vnd och ez súlin fúrbringen, daz wir daz êgenant selegera^ete ga^entzlich niht mo^ehtin gerichten, so son wir nach mâssunge dez gebresten als vil deste minre geben pfenninge vf daz vorbeschaiden zil, als wir got dar vmbe bi gůter gewisseni wellin a^entw´rten vnd och als wir, tůt ez not, in der kuntschaft baide gebrestunge vnd mâssung dez abslags wellin redelich vnd kvntlich machon. Wir der êbenent prior vnd der conuent veriehin och an disem selben brief, daz v´ns an dierre gegenw´rtigen vergicht vnd gelv´bde wol wil benu^egen vnd daz wir diz vorbenanten vzrichtunge sta^et wellin haben fúr v´ns vnd fúr v´nser nachkomen, also daz v´ns dierre brief vnscha^edelich sol sin an dem gemainem brief, den wir von in haben in anderen stúkken, ane diz, daz hie benennet ist. Vnd zainem gewa^erem vrkúnde ainer sta^eten richtunge dierre sache habin wir der vorgenant prior vnd der conuent, wir dv´ vorgenant a^eptischenne vnd der conuent, habin v´nser baider conuent insigel an disen brief gehenket. Ich der vorgenant maister V^olrich der Linde von ir baider bette willen hab och min insigel ze ainer sicherlichen sta^etekait dar an gehenket. Diz beschach vnd ist dierre brief geben, do man von Cristes gebúrt zalte drúzehenhundert jar, dar nach in dem sehs vnd drissigosten jare, an sant Andres abent dez zwelfbotten.

Source Fulltext: Chartularium Sangallense VI, Nr. 3640a, S. 526.