Wir Peter von gottes gnaden bischof ze Chur¹ kúndent vnd veriehent offenlich mit disem brief allen || den, die in sehent oder ho^erent lesen, das wir der edelen fro^vwen fro^v Kv´ngunden von Vatz² des || edelen herren graf Fridrichs von Toggenburg³ elicher husfro^vwen, graf Fridrichen, graf Donaten, graf || Kraft vnd graf Diethalm ir sv´nen⁴ vnd irn erben, ob si nút wa^erent, ze geltenn schuldig sient recht vnd redlicher gúlt vier hundert march vnd viertzig mark Kurwa^elscher⁵ marchen, acht phunt Mailesch⁶ fúr ie ain march ze raitenne, die si v´ns vnd v´nserm vorgeschriben gotzhus alle bar gelihen hand vnd wir in v´nsers vorbenempten gotzhus offenn nútz vnd notdurft bekert habent, vnd vmb dis vorgeschriben phenning ze merer sicherhait so habent wir der obgenant bischof Peter fúr v´ns vnd fúr v´nser vorgeschriben gotzhus mit willen vnd gunst der êrwirdigen herren . . des tůmprobsts . . des tegans vnd des capitels ze Chur der obgeschriben fro^vwen Kv´nigunden, ir sv´nen vnd irn erben, ob si nút wa^erent, ingesetzet vnd setzend mit disem brief ze ainem rechten werenden phand die burg Frido^v7, den grossen maiierhof ze Zútzers⁸, vsgenommen die sechs vnd drissig scheffel gersten, die vormâls vs dem selben maiierhof . . den Tumben⁹ vnd irn erben versetzt sint, den maiierhof ze Yus¹⁰, den maiierhof ze Fro^evs¹¹, lút, die zů der selben burg oder in die ho^ef geho^erent, wa die sesshaft oder wonhaft sint, vnd gv^eter, dú darzů geho^erent, mit ackern mit wisen mit holtz mit veld mit wunn mit waid mit steg mit weg mit zůgang mit vongang mit wasser mit wasser laiti mit alpen vnd mit alp rechten stúr gericht twing ba^enn vischentz geiegd fliegens fliehens vnd fliessens wildban vnd alle die nútz, die zů der selben burg Frido^v geho^erent, enenthalb dem hag vnder Aspermunt¹² vntz in die Lanquart¹³, enenthalb vnd disenthalb Rins¹⁴, in der ebni vnd vf dem gebirg, gesůcht vnd vngesůcht benempt vnd vnbenempt, wie es gehaissen si, mit allen nútzen rechten vnd gewonhaiten, die darzů geho^erent, vnd als wir vnd v´nser gotzhus es genossen habent vntz uf disen hútigen tag, als dirr brief geben ist, also vnd mit so^elicher beschaidenhait, das die obgenanten fro^v Kúnigund, ir sún vnd ir erben, ob si enwa^erent, die vorgeschriben burg Frido^v lút vnd gv^eter mit allen ir rechten vnd zůgeho^erden, als dauor geschriben stat, súllent in phandes wise inne haben vnd niessen als ander ir aigen gůt ân alles abniessen, alle die wile vnd wir oder v´nser nachkomen vnd gotzhus oder das capitel ze Chur, ob ain bischof nút wa^er, der vorbenempten fro^v Kv´nigunden, ir sv´nen vnd ir erben das vorgeschriben gelt nút gar vnd gantzlich gewert vnd vergolten habent, wenn o^vch wir die vorgeschriben burg Frido^v lút vnd gv^eter, als dauor geschriben stat, von inen lo^esen wellent, so súllent si v´ns es ze lo^esenn geben vmb als vil gůtes, als dauor geschriben stat, an alle widerred, mit so^elicher beschaidenhait, wenn wir inen das vorgeschriben gelt richtend vnd werent vor sant Johansen^a) tag des To^vfers ze sunnwendi, so sond v´ns vnd v´nserm gotzhus die vorgeschriben burg Frido^v lút vnd gv^eter mit allen nútzen vnd rechten von inen gantzlich ledig vnd ueruallen sin, richtind wir inen das vorgeschriben gelt nach des vorgeschriben sant Johansen tag, so sond die nútz vnd die zins des iares inen ueruallen sin an alle geuerd. Wir der obgenant bischof Peter habent o^vch gelobt vnd lobent mit disem brief, das wir vnd v´nser vorgeschriben gotzhus der vorbenempten fro^v Kv´nigunden, ir sv´nen vnd ir erben, ob si enwa^erent, des vorgeschriben phandes gůt weren súllen sin nach recht an gaistlichem vnd an weltlichem gericht vnd an allen den stetten, da sú sin notdurftig werdent, an alle geuerd. Vnd ze ainem waren vrkúnd aller dir vorgeschriben dingen so haben wir der obgenant bischof Peter v´nser ingesigel gehenkt an disen brief. Wir graf Růdolf von Muntfort tůmprobst¹⁵, Růdolf von Veltkilch tegan¹⁶ vnd das capitel gemainlich ze Chur kúndent vnd veriehent o^vch offenlich mit disem brief, das alles, das dauor geschriben stat an disem brief, mit v´nserm gůten willen vnd gunst vnd wissenn beschehen ist. Vnd des ze ainem offenn vrkúnd habent wir v´nsers capitels ingesigel mit des obgenanten v´nsers gna^edigen herren bischof Peters ingesigel gehenkt an disen brief. Der geben ist ze Chur, do man zalt von gottes geburt drúzehenhundert iar, dar nach in dem zwai vnd sechtzigosten iar, an dem na^echsten fritag vor v´nser fro^vwen tag ze herbst.

Source Fulltext: Chartularium Sangallense VIII, Nr. 4821, S. 38-40.