Wir grauff Albreht von Werdenberg der elter vnd wir grauff Albreht der junger vnd des sun grauff Hug || von Werdenberg¹ kúnden vnd vergehen offenlich mit vrkúnd dizz brieffs, das wir frúntlich ainhelclich vnd || lieplich verriht sint mit vnserm lieben vettern grauff Hainrichen von Montfort² vmb die sto^ezz, die wir hattent || mit ain ander von der phandung wegen, als er vns an griffen hat mit phandung in dem Rintal³, vnd sagent in vnd sin erben ledig vnd los aller núcz zins vnd stúra, die er da in genomen hett, vnd sunderlich sagent wir in ledig vnd los der fúnftzig phunt phenning, als wir in anspra^ehent von des nuczes wegen in dem Rintal. Vnd dez ze vrkúnd henken wir vnserú aignú insigel an disen brief, der geben ist ze Costentz an sant Lucien abent, do man zalt von Cristes gebúrt drúzehenhundert jar, sehtzig jar vnd dar nach in dem andern jare.

Source Fulltext: Chartularium Sangallense VIII, Nr. 4842, S. 58.