Dilecto filio Vlrico Burgower¹ de sancto Gallo rectori parrochialis ecclesie in Gossowe² Constantiensis diocesis magistro in artibus salutem etc. Honestatis et scientie meritis placere studentes libenter prosequimur apostolice gratie munificentia speciali, ne dum nociva percepcione bonorum prospexerint, se fecundos virtutum adieccione continua se reddere gaudeant insignitos. Cum itaque sicut accepimus tu per leccionum exercitium artium liberalium studio laudabiliter insudando adeo divina gracia tibi suffragante profeceris, quod in eisdem artibus obtinere locum magistri meruisti, nos volentes tibi, qui etiam, ut asseris, in theologia Scolaris existis, ut ex ipsius studii commendando labore fructum tibi gaudeas provenisse, graciam facere specialem, beneficium ecclesiasticum cum cura vel sine cura, cuius fructus redditus proventus si cum cura vigintiquinque, si vero sine cura fuerit, decem et octo marcharum argenti secundum taxacionem decime valorem annuum non excedant, ad dilectorum filiorum prepositi et capituli ecclesie sancti Michaelis Beronensis³ Constanciensis diocesis collationem provisionem presentacionem seu quamvis aliam disposicionem communiter pertinens, si quod in civitate vel diocesi Constanciensi vacat ad presens vel quamprimum vacaverit, quod cum per te vel procuratorem tuum etc. ut in superiori que dirigitur Johanni dicto Nogent sub numero IIIl^CXLII, mutato dicatur in ista prepositi et capituli, ubi in alia dicitur decani et capituli usque mencio specialis, seu quod parrochialem ecclesiam in Gossowe dicte diocesis, cuius fructus redditus et proventus quindecim librarum Turonensium⁴ parvorum secundum taxacionem decime valorem annuum ut asseris non excedunt, nosceris obtinere, volumus autem, quod quamprimum vigore presentium huiusmodi beneficium fueris pacifice assecutus, prefatam parrochialem ecclesiam, quam, ut prefertur, obtines, quamque extunc vacare decernimus, omnino dimittere tenearis. Nulli ergo etc. nostre reservacionis inhibicionis constitucionis et voluntatis infringere etc. Dat. Auinione II kl. decembr. anno primo.||
In eodem modo dilectis filiis in Salem⁵ et in Schotis⁶ Constanciensis diocesis monasteriorum abbatibus ac decano ecclesie Constantiensis⁷ salutem etc. Honestatis et scientie etc. usque teneatur. Quocirca mandamus, quatenus vos vel duo aut unus vestrum per vos vel alium seu alios huiusmodi beneficium per nos ut premittitur reservatum, si tempore huiusmodi nostre reservationis vacabat vel extunc vacaverit aut quamprimum illud vacare contigerit, eidem Vlrico post acceptacionem huiusmodi cum Omnibus iuribus et pertinenciis suis auctoritate nostra conferre et assignare curetis, inducentes eum vel procuratorem suum eius nomine in corporalem possessionem beneficii ac iurium et pertinenciarum predictorum et defendentes inductum sibique facientes de beneficii fructibus etc. ut in predicta dat. usque contradictores per censuram ecclesiasticam etc. Dat. ut supra.

Source Fulltext: Chartularium Sangallense VIII, Nr. 4838, S. 53-54.