Geory abbt zue St. Gallen¹ verwilligt, dise nachgmelte güeter zue Reutlingen², welche ihme zue lehen rüerten, alls den hof den Walter Ka^es vnnd Brot bawet, den hof den Hainy der Speth bawet, den hof den der jung Zech bawet, das guet dz die Volgmägerin bawet, den hof den Clas bawet, das guet das der Weber bawet, dz guet dz die Butzerin bawet, den hof den Albrecht der Speth bawet, dz guet dz Maickhle bawet, den hof den Bentz der Mayer bawet, den hof den Resch Notnagel bawet, den hoff den mann nennet des Küttels hof, dz guet dz der Löfler bawet vnnd aus dem hof den der ält Zäch bawet 2 lb. blosser heller gelts, dem frommen knecht Lutzen von Hornstein³, das er solche seiner hausfrawen Cla^eren, Burckhardten von Weiler⁴ ehelichen dochter, vmb 400 lb. hlr. für ihr heimbsteür vnnd 200 lb. hlr. für ihr morgengab mit allen rechten nützen gewonheiten vnnd zuegeherdten versetzen möge. Anno 1363.

Source Fulltext: Chartularium Sangallense VIII, Nr. 4912, S. 110-111.