Allen den, die disen brieff an sehent oder ho^erent lesen, kúnden wir her || Cůnrat von Wolffurt ritter fúr Eglin von Wolffurt¹ minen brůder vnd || fúr Elsabethen sin elichen husfrowen Cůnratz des Schenken seligen von Lan||degg² wilend elichú tochter vnd fúr ir erben, vnd ich V^olrich von Schy^nen³ fúr mich vnd fúr Annen min elichen husfrowen her Cůnratz seligen des Schenken von Landegg wilend elichú tochter vnd fúr ir erben, vnd ich Johans von [St]ras^b)4 fúr mich vnd fúr Vrsullen min elichen husfro^vwen her Cůnratz des Schenken seligen von Landegg wilend elichú tochter vnd fúr ir erben, vnd vergehen alle gemainlich offenlich mit disem brieff, daz wir ain helleklich v´ber ain komen sint, daz wir durch des obgenanten her Cůnratz seligen des Schenken von Landegg sele willen vnd durch siner vordem sele willen dien erberen gaistlichen closter frowen dem conuent gemainlich des closters ze Tennicon⁵ ledeklich vff geben haben die aigenschaft vnd alle die rechtung, die wir ald v´nser erben iemer gehaben mo^echtin an dem hoff, der da haisset Koppa hoff, der gelegen ist vff dem Ky^enberg⁶. Vnd des alles ze ainem waren vnd offenen vrkúnde, dz dis alles stett vnd gantz belib, so haben wir dien obgenanten closter frowen vnd dem conuent gemainlich des closters ze Tennicon disen brieff besigelt mit v´nseren insigeln. Der geben ist an dem nechsten mentag vor dem zwelfften tag, do man zalte von gottes gebúrt drúzehenhundert vnd sechzig iar vnd dar nach in dem dritten jare.

Source Fulltext: Chartularium Sangallense VIII, Nr. 4845, S. 60.