Allen den, die disen brieff sechent lesent oder ho^erent lesen, kúnd ich Ru^edger Manasß^a) ritter vogt der statt zů sant Gallen vnd burgermeister der statt ze Zúrich¹, das fúr mich kam zů sant Gallen in der statt, do ich ze des allerdurchlúchtigosten fúrsten mines gena^edigen herren keiser Karlen Ro^emschen^b) keisers wegen offenlich ze gericht sasß, Johans von Steinach² des erwirdigen mines gena^edigen apt Georyen^c) von sant Gallen³ stattamman der statt zů sant Gallen, offembert do vor mir, als Benhart Vo^eli vnd V^olrich Horkental V^olrichen Wildrichen^d) se^algen erto^edt vnd von lib getan hatten, darvmb ouch sú mit rechter vrtel verkúnt vnd verru^efft wa^erind⁴ vs dem frid in den vnfrid vnd ir beider lib dem gericht vnd den clegern erlobt vnd iren frúnden verbotten, vnd batt im ze erfaren an einer vrtel, sid der selb V^olrich Wildrich selig von eigenschafft des libes den obgenanten apt vnd sin gotzhus angeho^ert, den aber sú von lib getan hettind, ob man im den nit billich gelten so^elt. Darvmb ward rechts gefragt, nach miner frag do ward von erbern lúten mit gesamnoter vrtel erteilt, sid der obgenant V^olrich Wildrich selig des vorgenanten mines herren des apts vnd des gotzhus eigen wer, das ouch die selben Bernhart Vo^eli vnd V^olrich Horkental dem obgenanten minem herren dem apt sinen mann billich gelten so^eltind. Do das erteilt ward, do ließ der obgenant Johans von Stainach stattamman an recht, ob im das gericht sinen brieff billich her vmb geben so^elt. Der ward im ouch nach miner frag von erbern lúten an gemeiner vrteld erteilt. Vnd her úber ze einem offen vrkúnde so han ich min insigel von des gerichts wegen offenlich gehenckt an disen brieff. Der geben ist an dem ersten tag des manodes aberellen, do man zalt von gottes gebúrt drútzechenhundert vnd sechtzig jar vnd darnach in dem fúnfften jare. Hier by waren die edlen herren gra^vff Růdolff von Veldkilch^e)5, gra^vff Růdolff vnd gra^vff Heinrich von Santgans^f)6, her Dúring vnd junckher Wolffhart gebrůder von Brandeß⁷, junckher Walther^g) von der Hochen Klingen⁸ frigen herren, her Burckart von Ainwille⁹, her Johans von Haidelberg¹⁰, her Růdolff von Rosemberg^h)11, her Hug von Landembergⁱ⁾¹² ritter, V^olrich von Bonstetten¹³, Guda^entz^k) von Hoffstetten^l), Bartholomeus Blarer^m), Hug Schůlmeisterⁿ⁾ burgermeister¹⁴, Růdolff^o) von Steinach¹⁵, Heinrich Blarer Ste^acheli^p), Bilgri Spiser, Jacob Růprecht, Andres Entziswiler vnd ander erber lút.

Source Fulltext: Chartularium Sangallense VIII, Nr. 4978, S. 170-171.