Ich Peter von Torberg¹ der hohgebornen fúrsten der herzogen von O^esterrich miner gnedigen herren || houptman vnd landuogt ze Swaben, ze Ergo^ew vnd in Turgo^ew tůn kunt, daz der erber bescheiden man || Albrecht von Lindenberg² schulth(eiz) ze Wil³ mit miner hand gunst vnd willen von dem gewalt, so mir die egenanten || min herren von O^esterrich in semlichen sachen geben hant, gemacht vnd gefu^egt hat hern Johansen von Frowenuelt⁴ vnd sinen súnen dis nachgeschriben gu^eter, die von der obgenanten miner herrschaft lehen sint, dez ersten die múli gelegen ze Wintertur⁵ vor dem nidern tor, die man nemet dez spitals múli, den hof ze Nidern Schlatt⁶, den der Schalker buwet, die vogtay ze Obern Wille⁷ vnd die vischentz in der Tur⁸ von der burg ze Andelfingen⁹ vntz gen Ossingen¹⁰, also ob er an liberben, die lehens gnos wa^eren, absturb, daz denn die selben gu^eter nach lehens recht geuallen sullent an den obgenanten hern Johansen von Frowenuelt vnd an sin sún. Vnd ist dis beschehen mit aller ehafti worten vnd geberden, so von recht vnd von gewonheit keins wegs dar zů geho^erent, doch vnuergriffenlich den vorgenanten minen herren von O^esterrich vnd ir erben an der lehenschaft vnd an den rechten, so si dar an hant. Mit vrkúnd dis briefs versigelt mit minem anhangendem ingesigel. Der geben ist ze Baden¹¹ an dem na^ehsten zistag nach v´nser frowen tag ze der liehtmiss, nach gotes gebúrt tusend drúhundert vnd sehszig jar, darnach in dem sehsten jare.

Source Fulltext: Chartularium Sangallense VIII, Nr. 5011, S. 200-201.