Wir V^olrich Gúttinger techan¹ vnd das gemain capitel ze dem thům ze Costentz kúndin vnd veriehin^a) des offenlich mit disem brief allen, die in ansehent oder ho^erent lesen, das wir angesehen habin die gertrúw^b) dienst, die v´ns vnd v´nserm capitel der beschaiden Walther von Altstetten² geta^vn hat vnd noch fúrbas in kúnftigen ziten tůn mag, das wir dar vmb alle gemainlich vnd v(nu)erschaidenlich^c) willeklich vnd vmbetwungenlich nach v´nsers gemainen capitels ra^vt dem selben Walther von Altstetten gelobt habint ze gebent vnd och^d) ze richten vnd och geben so^ellin ze sant Martis tag dem na^ehsten, der nv^ kunt, fúnff vnd sibentzig guldin gůter vnd ga^eber mit vollem gewiht an dem wehsel ze Costentz vnd dannanhin ja^erlich vnd a^ellú jar iê vff sant Martis tag fúnff vnd sibentzig guldin gůter vnd ga^eber mit vollem gewiht an dem wehsel ze Costentz a^vne alle mindrung widerrede vnd fúrzug, alle die wile vnd er lebt vnd in libe ist vnd nit fúro. Wenne aber ald weles ia^vres wir ald v´nser nachkomen dar an súmig wa^erint vnd im die selben fúnff vnd sibentzig guldin iê vff sant Martins tag nit ga^ebint noch richtint, als vorgeschriben stat, so ha^vt er vollen gewalt nach dem zil, wenne er wil, das er das selb gůt, des zil sich danne erloffen ha^vt, wol an schaden nemen vnd gewinnen mag, es sige an wehsel an ko^effen vff linwat oder an anderm schaden, ald won neme es vff in, ald ka^eme er sin ze kainem schaden^e) von zerung von klag ald von bo^vttenlo^vn, da von so^ellin wir in vmb hobtgůt vnd schaden a^vn allen sinen schaden lo^esen vnd ledig machen, vnd sont im die búrgen, die hie nach benempt sint, darvmb haft vnd gebunden sin ze laistent, als hie nach geschriben stat, vntz im das gůt, des zil sich danne erloffen hat, gar vnd ga^entzlich gewert vnd bezalt wirt. Vnd ze merer vnd besser sicherhait habin wir im ze rechten búrgen geben vnd gesetzt die beschaiden Cůnraten Phefferhart, Johansen den Swartzen, Jacob den Swartzen sinen brůder, Hainrichen den Hartzer vnd Johansen den Linden Hainrich des Linden sa^elgen svn, alle burger ze Costentz. Die selben búrgen hant im alle gesworn ir ieglicher besunder ainen gelerten aide ze den hailigen, wenne si von dem selben Walther von Altstetten ald von sinen botten vmb das gůt, des zil sich danne erlo^vffen ha^vt, gemant werdent ze hus ze hof mit briefen ald vnder o^vgen, so sont si sich alle, weli danne gemant sint, nach der manung inrunt den na^ehsten acht tagen nach der manung mit ir selbs UBen gen Costentz in die stat in a^entwúrten vnd da vmb das gůt vnd gelt, des zil sich danne erloffen hat, an offnen wirten reht giselschaft^f) a^vne alle geua^erde laisten ieglicher besunder ie zwai mal an dem tag. Doch ist den selben búrgen behalten vnd sol ir iêglichem sunderlich behalten sin, wele mit sin selbs libe als dis giselschaft nit laisten wil ald mag, der sol ainen offenn wirt ze Costentz vff sin selbs schaden gewinnen, da der obgenant Walther von Altstetten ald sin bott ainen gisel hin ze gisel legin, der a^vne geua^erde iê zwai mal an dem tag laist vnd als túr kume, als ob er selb ze gisel la^ege. Gieng im o^vch der selben búrgen dekainer ab von to^vdes wegen ald von andren dingen, so so^ellin wir im ie ain andern búrgen als gůten vnd als gewissen a^vne geua^erde an des abgangen stat vnd geben dar nach in dem na^echsten manot, so wir dar vmb ermant werdent, ald die andern búrgen sont laisten, als vor geschriben stat, vntz wir den búrgen, wele im danne abgangen ist, iê berichtint. Wanne o^vch die selben búrgen ainen gantzen manot gelaistent, so habin wir dem selben Walther von Altstetten fryes vrlob vnd vollen gewalt geben, das er vnd sin helfer v´ns vnd v´nser gotzhus angriffen sond vnd mugent an lút an gůt, wa vnd wie si mugent, in stetten vnd vff dem land, es sige mit geriht ald a^vne gericht als vil vnd als lang, vntz wir im das gůt vnd gelt, des zil^g) sich danne erloffen vnd ergangen hat, gar vnd ga^entzlich bezaln vnd och berichtent, vnd sol o^vch v´ns noch v´nser lút noch gůt nit da vor schirmen weder gaistlichs noch weltlichs gericht noch kainer slacht ander sach a^vne geua^erde, vnd wie si des angriffes ze schaden^h) kument, den schaden so^ellin wir im o^vch ablegen vnd abtůn a^vne alle geua^erde. Wir habin o^vch die selben búrgen gelobt ze lo^esent von allem schaden, wie si von dire búrgschaft vnd laistung wegen ze schaden kument, vnd habin in o^vch dar vmb friges vrlob vnd vollen gewalt geben, das si vnd ir erben vnd helfer v´ns vnd v´nser gotzhus angriffen vnd phenden sont vnd mugent an lút an gůt, wa vnd wie si mugent, in stetten vnd vff dem land, es sige mit geriht ald a^vne geriht, vnd sol och v´ns noch v´nser lút noch gůt da vor nit schirmen weder gaistlichs noch weltlichs geriht noch kainer schlacht ander sach a^vne geua^erde, vnd wie si der phandung ze schaden kument, den schaden so^ellin wir imen^b) o^vch ablegen vnd abtůn. Wir habin v´ns och dar vmb vnd vmb dis sach verzigen vnd verzihen v´ns och mit disem brief aller der frighait priuiley brief vnd instrument, so wir erworben habin ald noch erwerben mo^echtin von ba^ebsten von kaisern von ertzbischoffen von bischoffen ald von andren lúten, vnd alles andern rehten vnd hilf gaistlichs vnd weltlichs gerichtes, vnd das o^vch wir nit můtent sigint von kainem richter, das er v´ns ze helf kum mit dem rehten, vnd verzihen v´ns och aller ander hilf, da mit wir wider disú vorgeschriben ding stuk vnd articel komen vnd getůn mo^echtin in dekain wise. Wenne och der selbe Walther von Altstetten enist vnd erstirbet, so so^ellin wir vnd v´nser nachkomen dannanhin von dem obgenanten gelt ledig sin vnd sol och dire brief dannanhin enhain kraft haben. Vnd dar vmb ze warem vnd offem vrkúnd vnd sta^eter sicherhait aller dirr vorgeschribner ding habin wir die obgenanten der techan vnd das capitel der stift ze Costentz v´nsers capitels insigel vnd och wir die obgenanten Cůnrat Phefferhart, Johans der Swartz, Jacob der Swartz sin brůder, Hainrich Hartzer vnd Johans der Lind alle burger ze Costentz búrgen, als vor geschriben stat, v´nsrú insigel gehenkt vnd geben an disen brief. Der ist ze Costentz geben, do man von Cristes gebúrt zalt drútzenhenhundert jar, dar nach in dem siben vnd sehtzigosten jar, an sant Andres abent des hailigen zwelfbotten.

Source Fulltext: Chartularium Sangallense VIII, Nr. 5103, S. 278-280.