Wir Karl von gots gnaden Ro^emischer keiser zu allen tziten merer des reichs vnd chunig zu Beheim embiten dem . . burger||meister dem . . rate vnd der stat gemeinlich zu sande Gallen vnsern vnd des heiligen reichs lieben getruwen vnser gnade || vnd alles gut. Lieben getruwen, vmb su^elch steuwer vnd zinse, als ir vns vnd dem heiligen reiche jerlich schuldig || seit oder noch furbaz schuldig werdet ze geben, heizzen wir vnd gebiten ewern truwen vestiklich vnd ernstlich, daz ir die vnuertzogenlich gebt vnd betzalet dem hochgeboren Wentzlâw hertzog zu Lutzemburg ze Brabant vnd zu Limburg⁴ des heiligen richs dissit des Lampartischen gebirges⁵ gemeinem vicarien in allen landen vnserm liben bruder vnd fu^ersten oder wem er daz empfelhet^a) an siner stat mit sinen brieuen vnd nimande anders, die weil er vicarie ist vnser vnd des heiligen reiches, vnd wenne ir daz habt getan, so sagen wir euch darůmb von vnsern wegen vnd des reichs ledig vnd los. Mit vrchunde ditz brifs vnter vnser maiestat insigel versigelt. Der geben ist zu Frankenfurt auf dem Meun nach Crists gepurt dreutzehenhundert jar, dar nach in dem aht vnd sehtzigstem jar, an dem nehsten donrstag nach vnser frauwen tag lihtmesse, vnserer reiche in dem czwei vnd czweintzigstem vnd des keysertums in dem dreutzehendem jare.

Source Fulltext: Chartularium Sangallense VIII, Nr. 5115, S. 286-287.