Wir Heinrich von gotz gnaden bischoff¹ vnd das capitel gemeinlich des gotzhus vnd des bistůms ze Costentz tůn kunt vnd verjehen offenlich mit disem brieff allen den, die in an sechend oder ho^erend lesen, das fúr v´ns kam v´nser vnd v´nsers gotzhus lieber getrúwer dienstman Burkart der Schenk von Kasteln², vnd dú nachgeschribnen gu^eter, das gůt das man nempt des Halden gůt ist gelegen ze Strubenwil³, den wingarten vnd zwen aker gelegen in der Schwertzen ze Winfelden⁴, den selben wingarten Welti Senn buwet vnd die selben aker Ru^edi Hugs buwet, die selben gu^eter des selben Burkartz Senken^a) recht eigen warend, gab der selb Burk. Schenk frilich mit allen rechten vnd zůgeho^erden an v´nser hand vff vnd batt v´ns ernstlich, das wir im die selben gu^eter mit allen rechten lúhint ze rechtem lehen, das wir ouch do taten. Vnd won derselb Burk. Schenk v´nserm gotzhus vnd v´ns daran als getrúlich vnd nutzlich getan hat vnd vmb die getrúwen nutzlich dienst, so er vnd sin vordren v´ns vnd v´nserm gotzhus bis her dik nutzlich getan hand, darumb so haben wir dem selben Burkart dem Schenken vnd allen sinen erben vnd nachkomen vmb dieselben trúw vnd vmb die selben dienst, so er vnd sin vordren v´ns vnd v´nserm gotzhus getan hand, vnd von der dienst wegen, so er v´ns vnd v´nserm gotzhus in kúnfftigen ziten wol getůn mag, alle eimbarlich vnd einmu^etklich mit gůter vorbetrachtung vnd nach ra^vt wiser lút durch nutz vnd bessrung vnd ze fúrdrung v´ns vnd v´nserm gotzhus den hoff ze Enkhusen⁵ vnd was dazů vnd dar in geho^ert, als hie nachgeschriben stat, der v´nser vnd v´nsers gotzhus recht eigen ist, vnd aber der selb Burkart Schenk den selben hoff von v´ns und v´nserm gotzhus ze lehen hatt, luterlich geeigent vnd eigennen mit disem gegenwúrtigen brieff vnd haben ouch dem selben Burkart dem Schenken vnd allen sinen erben vnd nachkomen den selben hof ze Enkhusen mit allem dem, so darzů vnd dar in geho^ert, als hienach ist bescheiden vnd geschriben stat, geben vnd geben inn von fryer ga^vbe frilich vnd willenklich fúr recht ledig eigen ze rechtem eigen, also mit so^elichem rechten, das der selb Burkart Schenk vnd alle sin erben vnd nachkomen denselben hoff ze Enkhusen mit hus mit hoff mit múlinen mit akern mit wisen mit weiden mit holtz mit veld mit wasser mit wasserflússen mit gengen mit wegen mit stegen mit aller ehaffti mit allen rechten nútzen vnd gewonheiten vnd mit allen dem, so dar zů vnd dar in geho^ert vnd geho^erren sol von recht oder von gewonheit, es sig benempt oder vnbenempt, jemer me ewenklich haben nutzen vnd niessen besetzen vnd entsetzen verkouffen⁶ ald versetzen sond als ir eigen gůt vnd fúr recht ledig eigen a^vn alle v´nser vnd v´nser nachkomen widerred. Vnd herúber so haber^b) wir v´ns mit wolbedachtem můt einhellenklich mit gemeinem ra^vt enzigen vnd enzichen v´ns mit disem brieff fúr v´ns vnd fúr alle v´nser nachkomen gen dem egenanten Burkart dem Schenken gen allen sinen erben vnd nachkomen, in der hand gewalt der selb hoff ze Enkhusen jemer kumpt, alles rechten aller vordrung vnd ansprach, so wir ald v´nser vordren je gewunnen oder wir ald v´nser nachkomen gemeinlich ald deheiner sunderlich oder v´nser gotzhus ald jeman von v´nser wegen ald an v´nser statt zů dem vorgeschriben hoff ze Enkhusen ald zů deheinen gu^etern ald rechtungen, so darzů vnd dar in geho^erent, jemer gewinnen mo^echtind von recht oder von gewonheit von eigenschafft oder von lehenschafft ald von manschafft oder von deheinerley sach wegen, vnd loben ouch alle gemeinlich vnd jekliche sunderlich mit v´nser gůten trúwen fúr v´ns vnd v´nser nachkomen, dawider niemer ze tůn noch ze werben weder mit geistlichem noch weltlichem gericht noch mit enkeinen andren sachen a^vn alle geuerde. Darzů haben wir v´ns ouch entwert vnd entweren v´ns ouch mit disem brieff aller gewerr, so wir ald v´nser vordren je gewunnen ald gehebt haben ald v´nser nachkomen jemer gewinnen mo^echtind zů dem vorgeschriben hoff ze Enkhusen oder zů deheinen gu^etern rechtungen vnd nútzen, so darzů vnd dar in geho^erend, vnd ist dis alles recht vnd redlich beschechen vnd volfu^ert mit allen den worten werken vnd geta^eten vnd mit aller krafft, so dazů hort vnd notdurfftig was von recht oder von gewonheit. Vnd das dis alles war vnd sta^et belib nu vnd hienach, so haben wir die obgenempten bischoff Heinrich vnd das capitel gemeinlich des vorgenempten gotzhus vnd des bistůms ze Costentz v´nsers^c) vnd v´nsers capitels insigel gehenkt an disen brieff fúr v´ns vnd alle v´nser nachkomen. Der geben ist ze Costentz an dem nechsten samstag nach sant Fiden tag in dem jare, do man zalt von der geburt Cristi drútzehenhundert vnd sechszig iar, darnach in dem achtenden jare.

Source Fulltext: Chartularium Sangallense VIII, Nr. 5148, S. 318-319.