Venerabili in Christo patri . . dei gracia episcopo Constanciensi² vel eins vicario in spiritualibus Stephanus miseracione || divina tituli sancti Eusebii presbiter cardinalis³ salutem et sinceram in domino caritatem. Ex parte quorumdam monachorum || monasterii sancti Galli ordinis sancti Benedicti vestre diocesis et nonnullorum aliorum presbiterorum et clericorum tam secularium quam || religiosorum ac laicorum utriusque sexus eis in hac parte adherencium nobis oblata peticio continebat, quod ipsi presbiteri et clerici cum fratribus Alberto preposito⁴, Conrado custode⁵ et Johanne decano⁶ dicti monasterii per eorum abbatem excommunicacionis sentencia innodatis^a) in cibo potu loquela participarunt et eis presentibus divina non tantum in contemptum clavium sed per simplicitatem et iuris ignoranciam et eciam in dicto monasterio ac aliis locis ecclesiastico suppositis interdictis celebrarunt divina officia in aliquibus ecclesiis pertinebarunt dictis quoque laicis ob participationem cum eis factam excommunicatis eucaristie et alia ecclesiastica sacramenta debita super hoc obtenta licencia ministrarunt ipsi quoque laici ab eisdem excommunicatis suspensis et^b) interdictis ob participationem cum ipsis factam excommunicatis eadem sacramenta receperunt, super quibus fecerunt humiliter supplicari eis in hac parte per sedem apostolicam de oportuno remedio misericorditer provideri. Nos igitur auctoritate domini pape, cuius penitentiarie curam gerimus, et de eius commissione in talibus generaliter nobis facta circumspectioni vestre committimus, quatinus si est ita, postquam dicto abbati, cuius sentenciam cum dictis excommunicatis suspensis et interdictis participando contempserunt, iuxta constitucion(is) felicis recordationis domini Bonifatii pape VIII⁷ tenorem ad eius arbitrium ministrisque^c) ecclesiarum, in quibus divina officia perturbarunt, satisfecerunt competenter, ipsos monachos presbiteros et clericos ac laicos utriusque sexus a generalibus excommunicacionum suspensionum^d) et interdicti sentenciis, quas ob predicta incurrerunt, et excessibus huiusmodi absolvatis in forma ecclesie consueta et iniuncta inde eorum cuilibet pro modo culpe penitentia salutari, quodque decetero in similibus non excedant, sed interdicto durante predicto illud studeat inviolabiliter observare dictisque monachis et aliis presbiteris secularibus et religiosis ad tempus, prout expedire videritis, a suorum ordinum executione suspen(sionis) demum suffragantibus sibi meritis alioque canonico non obstante super irregularitate quam ex premissis et sie ligati non tantum in contemptum clavium predictum sed per simplicitatem et iuris ignoranciam in suis ordinibus ministrando contraxerunt, dispensetis auctoritate predicta misericorditer cum eisdem. Dat. Rome apud sanctum Petrum VII kl. decembr. pontificatus domini Vrbani pape V anno oetavo.

Source Fulltext: Chartularium Sangallense VIII, Nr. 5196, S. 366-367.