Ich^a) gra^euini frô Adelhait von Fúrstenberg geborn von Griessenberg¹ tůn kunt vnd vergih || offenlich an disem brief fúr mich vnd alle min erben allen den, die disen brief an sehent || lesent oder ho^erent lesen, das ich mit wolbedahtem můt der erwirgen^b) frôwen frô Adelhait || der a^eptissenn vnd gemainlich dem conuent des closters ze Maggnow² gelegen in Costentzer bestûm des haiigen ordens von Citels^c) reht redlich vnd willeklich luterlich durch got vnd durch miner sele hailes willen dú rechtung vnd gewonhait vrnb dú zwai melch rinder, die mir ja^erkliches in der Tûr Ôw³ gangen sint vnd gan solten, dú rehtung ich frô Adelhait von Fúrstenberg geborn von Griessenberg der vorg(enanten) a^ebtissenn vnd dem conuent gemainlich redlich vnd reht geben han vnd ab gelasen, als vor ist geschriben, mit beschaidenhait vnd mit dem gedingt, das dú vorg(enant) a^ebtissenn vnd der conuent gemainlich vnd alle ir nachkomen ja^erklichs an dem na^ehsten samstag nach sant Katherinen tag min bhúgnúst began sont mit ainer messe loblich^d) gesungen von v´nser frowen vnd enkain^e) gesprochen, dz sont sú tůn, die wil ich in lib bin. Vnd wenn ich dú vorg(enant) fro Adelhait von Fúrstenberg von Griessenberg geborn von todes wegen ab gan, vff welhen tag dz beschiht, vf den selben tag sol dú vorg(enant) a^ebtissenn vnd der conuent gemainlich vnd alle ir nachkomen eweklich min jarzit begent sint^f) mit ainer messen, als vor ist geschriben. Ta^etint wir dú a^ebtissenn vnd de^f) conuent gemainlich des nút, so ist der vorg(enanten) hoherbornen frôwen oder ir erben dú vorgeschriben rehtung vnd gewonhait ledig an alle wider rede. Ich frô Adelhait von Fúrstenberg geborn von Griessenberg vergih fúr mich vnd min erben, das ich noch min erben dú vorg(enante) a^ebtissenn vnd den conuent gemainlich noch alle ir nachkomen niemer me bekúmberen noch bekrenchen sont mit gaistlichem noch mit weltlichem gericht noch an reht mit dehainen sachen an der vorg(eschribnen) rehtung vnd gewonhait in Tûrôw, als vor geschriben ist, ist dz sú volfu^erent, als vor ist geschriben. Vnd ze ainem waren vrkúnd vnd och ze merer sicherhait aller vorgeschribner ding vnd bedingt henk ich frô Adelhait von Fúrstenberg geborn von Griessenberg min aigen insigel an disen brief. Der geben ist ze Wil⁴ in der stat in dem jar, do man zalt von gottes gebúrt drúzehenhundert jar vnd sibentzig jar, dar nach in dem ersten jar, an dem na^ehsten samstag vor dem zwelften tag.

Source Fulltext: Chartularium Sangallense VIII, Nr. 5256, S. 449-450.