Ich^a) V^olrich der Wermaister von Wângen¹ burger ze Rauenspurg² tůn kunt vnd vergich offenlich fúr mich vnd fúr min erben mit || disem brief allen den, die in ansehent oder ho^erent lesen, daz ich mit wolbedachtem sinne vnd mit gůter vorbetrachtung recht vnd || redlich verkoft vnd ze koffend geben han ze ainem sta^eten vnd êwigen kôff fúr recht lehen von dem hailgen Ro^emschen rich dem êr||samen vnd wôlbeschaiden man Růdolfen dem Vôgt von Sûm[er]ow^eb)3 gesezzen zêm Liv´poltz⁴ vnd allen sinen êrbun disiv´ nachbenempten gu^eter, dez ersten den hof ze Knabenhus⁵, ze Burkartzhus⁶, ze Ratzenhus⁷, zem Wolmetingen⁸, ze Vildernun⁹, daz gůt zem Dobel¹⁰ vnd daz gůt ze dem merern Krotental¹¹ fúr recht lehen von dem erwirdigen gotzhus ze sant Gallen vnd achtzehen schilling phenning ia^erlichs geltz ab dem mindern Krotental vnd darzů die vogtai úber die nachbenempten lút Haintzen Râtzenhuser, Hansen Râtzenhuser vnd ir swester vnd ir swester kint Vrsellun vom Wolmetingz vnd iriv´ kint, die Bru^egerinun V^otzen tochter in den Erlun¹² vnd iriv´ kint, dez Aygners kint, der sint driv´ âun Hansen den Aygner. Ich haun im ôch vnd sinen erbun darzů geben Hansen den Bru^eger vnd sin swester vnd iriv´ kint mit den rechten, alz ich sy han gehept, div´ vorgeschriben gu^eter a^elliv´ vnd och die lút mit allen rechten nútzen vnd zůgeho^erden, ez si an holtz an veld an aker an wis an waid an wasen an zwij an ôwen an gerútt an wasser vnder erd ald ob erd besůchtz ald vnbesůchtz, han ich im vnd sinen êrbun ains rêdlichen vnd sta^eten kôffs geben in der wis, alz vorgeschriben staut, vmb zwaihundert phund vnd fier vnd zwaintzig phund allez gůter vnd gna^emer Costentzer múns, der ich von dem vorgenanten Růdolfen dem Vogt gar vnd ga^entzlich gewerot vnd nach minen willen bezalt bin vnd die anderschwa in minen redlichen nutz vnd an min notdûrft komen vnd bewent sint. Vnd wan div´ vorgeschriben gu^eter vnd och div´ vogtai lehen sint in der wis, alz vorbeschaiden ist, so sol ich der vorgenant V^olrich der^c) Wermaister vnd min erben dez vorgenanten Růdolfen dez Vogtz vnd siner erbun der obgeschribnun vogtai vnd gu^eter recht vnd getrw^e trager sin bis vff die zit, daz ich ald min erben im ald sinen erbun div´ selben gu^eter vnd vogtai geferggin vnd von den lehen herrun in sin oder siner erbun hand bringen. Vnd daunach wenn daz geschieht, so sol ich vnd min erben sin vnd siner erbun vmb den vorgeschriben kôff vnd vff div´ obgenanten gu^eter recht gweren sin nach lehens recht vff gaistlichem vnd weltlichem gericht. Vnd darzů ze ainer merrer vnd besserr sicherhait so han ich im vnd sinen erbun zů mir vnd minen erbun vmb den vorgeschriben kôff vnd vff die obgenanten lút vnd gu^eter ze rechten gwerun geben vnd gesetzt nach lehens recht dis nachbenempten ersamen mann Hansen den Landamman, Wilhalmen Maigenberg vnd Haintzen den Súrgen¹³ alle dry burger ze Rauenspurg gen ma^enclich an allen stetten vff allen gerichten gaistlichen vnd weltlichen vnd wa er oder sin erben dez bedurffent oder notdurfftig sint, also vnd mit der beschaidenhait, wa^er daz dem vorgenanten Růdolfen dem Vogt oder sinen erbun, ob er ênwa^er, div´ vorgeschriben gu^eter vnd lút jena anspra^echig wurden mit dem rechten vff gaistlichem oder weltlichem gericht gar oder ain tail, da sol ich der vorgenant V^olrich der Wermaister oder min erben vnd die obgenanten gweren vnd ir erben in vnd sin erben vmb versprechen vnd vertretten nach dem rechten vnd der ansprach aun schaden tůn. Ta^et ich ald min erben vnd die vorgenanten gweren oder ir erben dez nit vnd wa^er daz der vorgenant Růdolf der Vogt oder sin erben sich selber von der obgeschribnun lút oder gu^eter wegen versprechen mu^estin, wie si dez versprechentz ze schaden ko^emin, ez wa^er vff gaistlichem oder weltlichem gericht, den schaden allen sol ich ald min erben vnd die vorgenanten gweren oder ir erben im vnd sinen erbun vssrichten vnd abtůn aun allen schaden. Ich der vorgenant V^olrich der Wermaister vergich och fúr mich vnd min^d), die vorgenanten gweren vnd ir erben von der obgeschribnun gwerschaft ze lo^esent âun allen schadenn. Vnd dez allez ze ainem waren vnd offenn vrkúnd vnd ze ainer gantzer vnd sta^eter sicherhait aller vorgeschriber ding so gib ich der vorgenant V^olrich der Wermaister dem obggenanten Růdolfen dem Vogt vnd sinen erbun disen offenn brief besigelt mit minem aigen vnd angehenkten insigel vnd mit der vorgenantun gwerun insigeln. Wir die obgenanten gweren veriehen der gwerschaft in aller der wis, alz vor von vns an disem brief geschriben staut, vnd darumb henken wir vnsriv´ aigniv´ insigel och an disen brief. Der geben wart ze Wangen in dem iaur, do man zalt von Cristes gebúrt drivzehenhundert iaur vnd ains vnd sybentzig iaur, in der phingstwuchun.

Source Fulltext: Chartularium Sangallense VIII, Nr. 5275, S. 471-473.