Allen, die disen brief ansehent oder ho^erent lesen, kúnden wir Johans von Stainegg chorherre ze dem || thům ze Costentz¹ vnd sin swager Cůnrat von Múnchwille² vnd vergehin des offenlich an disem brief, || als wir ze angúlten versetzt habin den fromen vesten ritter herr Johansen von Bodmen den jvngern || herr Cůnratz sa^eligen svn von Bodmen³ gen Hainrichen von Tettikofen⁴, den man nemmet der Búndrich, burger ze Costentz vmb hvndert guldin vnd vierzig guldin gůter vnd ga^eber Vngerscher vnd Behemscher mit voller gewiht ze Costentz an dem wehsel, da habin wir baid gelobt vnd och gesworn ze den hailigen, wa^er das der selb herr Johans von Bodmen des selben gůtz ze dehainem schaden ka^eme, wie oder welen weg sich das fůgti ald von waz sach das ka^eme, da von so^elin wir vnd v´nser erben in vnd sin erben âne allen iren schaden lo^esen vnd ledig machen, vnd hât och er vnd sin erben vnd helfer gewalt, v´ns vnd v´nser erben darvmb anzegriffent ze hefftent vnd ze pfendent an v´nsren lúten vnd gu^etern an allen stetten, da es inen fu^eget, als ferre vnd als vil, vntz er von der selben schuld a^vne allen sinen schaden erlo^est wirt ald sin erben, ob er enwere. Vnd ze warem vnd offem vrkúnd aller dirre ding gebin wir die selben Johans von Stainegg vnd Cůnrat von Múnchwille v´nsrv´ insigel an disen brief. Der ist ze Costentz geben, do man von Cristes gebúrt zalt drúzehenhvndert jar, darnach in dem zwai vnd ahtzigosten jar, an sant Gregoryen abent.

Source Fulltext: Chartularium Sangallense X, Nr. 5895, S. 15-16.