Ich Růdolff von Rosenberg von Zugkenriett¹ rytter tůn kunt vnd vergich des offennlich mit disem brieff fúr mich vnd alle min erben vnd nachkomen allen den, die inn an sehent lesen oder ho^erent lesen, als ich vorma^vls von miner redlichen nott wegen recht vnd redlich verkoufft vnd ze kouffen geben han fúr mich vnd alle min erben der erberen wolbeschaidnen gaischlichen frowen Vrsallen von Nider Willer² ainen wingarten gelegen ze Ho^echst³, als der brieff wol wist vnd sait, den si von mir mit minem angehenckten insigel darvmb hat, das dieselben Vrsellen von Niderwiler da vorgenant noch den konuent des closters der gestift ze Maggeno^ew⁴, da si inne ist, kain min erbe nachkomen noch nieman ander von minen wegen nach minem tode vnd ich von todes wegen abgangen vnd erstorben bin nit vfftriben vordem nach ansprechen nit sond iren sumen nach kains wegs bekrencken deweder mit gericht noch an gericht gaischlichem noch weltlichem noch mit kainer lay ander sach noch fúrzúg von des vorgemelten kouffs vnd wingarten wegen. Vnnd des ze vrkúnnde der wa^vrhait vnd sta^eter sicherhait aller der ding, so an disem brieff geschriben sta^vt, so han ich obgenanter Růdolff von Rosenberg ritter fúr mich vnd alle min erben min insigel offennlich gehenckt an disen brieff. Der geben ist am na^echsten donstag in der pfingst wuchen in dem ja^vr, do man zalt von der gepurt Cristi M°CCC° vnd im LXXXII ja^vre.

Source Fulltext: Chartularium Sangallense X, Nr. 5907, S. 72.